06 November 2012
04:45 - Латифа: Ўзбекистонда маркетинг, реклама ва PR соҳасида етакчилардан бири - Ucell
Бугун Тошкентда «SAIPRO Ахборот-рейтинг агентлиги» тарафидан уюштирилган “Маркетинг, реклама ва PR” Биринчи Тошкент Халқаро Форуми иш бошлади. Аслида, у оддий халқаро тадбирлардан бири.

Аммо унга катта эътибор берилаётганининг сабаби – Ислом Каримнинг Фуҳуша лақабли қизи катта пора эвазига МТС-Ўзбекистон (Ўздунробита) ширкатини шведларнинг TeliaSonera компаниясига олиб бериши натижасида кучайиб кетган Ucell бу форумнинг бош ҳамкори эканлиги. Агар очиғини айтсак, бу Форумни Фуҳушанинг ғалабасини нишонлайдиган маросимга айлантириб бўлмади, яъни у Гулнора Каримнинг навбатдаги пиар акцияси даражасига чиқолмади.

Чунки, ҳозир Фуҳушанинг боши дардда. МТС Ўзбекистонга қарши уруш очди. Бу ишга АҚШнинг Хельсинки Комиссияси, Россия ташқи ишлар вазирлиги аралашди. Гулнора Каримнинг Москвадаги кўп миллион долларлик уйи тортиб олиниш остонасида.

Шу сабабли, “Маркетинг, реклама ва PR” Биринчи Тошкент Халқаро Форуми ортиқча дабдабасиз эртага ишини тамомлайди. Ucell ва Фуҳушанинг келажаги эса, катта савол белгиси остида қолаверади. Балки, савол белгиси унчалик каттамасдир, чунки замонавий қароқчилик йўли билан оёққа тураётган компаниянинг келажаги бўлиши мумкин эмас.
« Олдинги хабар Хабарлар рўйхати Кейинги хабар »