30 June 2012
01:08 - Халқ артисти Маъмуржон Тўхтасинов оламдан ўтди
Ўзбекистон халқ артисти Маъмуржон Тўхтасинов шу йилнинг 26 июнь куни жигар циррози туфайли оламдан ўтди. Бетакрор овоз соҳиби, классик ва лирик қўшиқлар ижрочиси сифатида Бобур, Машраб ғазалларини сайқаллаштирган ҳофиз сўнгги йилларда ҳуккуматнинг назаридан четда бўлди, минг афсуски, марказий телевидение экранлари ва саҳналарга яқинлаштирилмади.

1958 йил 18 ноябрида Фарғона вилоятининг Олтиариқ туманида туғилган Маъмуржон Тўхтасинов 1978-1980 йилларда Ички ишлар вазирлиги тизимидаги бадиий ансамблда кўзга ташланди. У 1993 йилда “Ўзбекистонда хизмат кўрсатган артист”, 2000 йилда “Ўзбекистон халқ артисти” унвонлари билан тақдирланди.

У ўзи туғилган Олтиариқ туманида дафн этилди.
« Олдинги хабар Хабарлар рўйхати Кейинги хабар »