22 May 2012
06:15 - Бокуда мухолифатнинг намойишлари ва Абдураҳим Пўлатнинг хотиралари
Кеча Бокунинг марказида Озорбайжон демократик мухолифати “Озодлик!”, “Ҳукумат, истеъфога кет!”, “Йўқолсин коррупция!” ва шу каби шиорлар остида кўча юришлари – намойишлар ўтказди.

Полиция 40дан кўпроқ кишини ушлаб кетган. Ушланганларнинг 26 нафари Озорбайжон Халқ Фронти Партияси, 12 нафари “Мусават” партиясининг аъзолари эканлиги хабарларда айтилган.

Озорбайжондаги мустақил сайтларга қўйилган видеоларга кўра, полиция қаттиқ қаршилик кўрсатмаган, расмдаги аёлнинг судраб кетилиши типик кадр эмас. Балки, бунинг сабаби - эртага Бокуда бошланадиган “Евровидения” конкурсини ёритиш учун келган чет эллик журналистлар намойишларни ҳам кузатишганидир.

Бу намойишларда олинган кадрларни, мухолифатчиларнинг муштларини кўтариб “Озодлик!” деб ҳайқиришларини кўриб кўзимга ёш келди, дейди “Бирлик” Партияси раиси Абдураҳим Пўлат. Бугун Бокудаги юришларда бир неча юз киши бор эди, бизнинг 1989 йили ўтказган намойишларимизда ўн минглаб одам қатнашган, у воқеалар ҳам видеотасмаларга туширилган. Бизнинг ўзбеклар ҳам ўшанда, худди бугун Бокуда каби, “Озодлик!” деб ҳайқирганларини эслаганимда кўзимга ёш келди.

“Озодлик!” деб ҳайқиришга, озодликни қўлга киритишга эришган ўзбеклар бугун миллат сифатини ҳам йўқотдилар. Мавжуд режим бизни қуллар тўдасига айлантирди. Ал-Хоразмий, Амир Темир, Улуғбек, Бобирнинг авлодларини нон пули топиш учун Қозоғистон ва Россияда мардикорчилик қилаётганлар тўдасига айлантирди. Энди “Озодлик!”деб бақиришни қўйиб туринг, пичирлашга ҳолимиз йўқ.

Бир ҳовуч қирғиз фашистлари ўзбекларни Ўзбек бўлгани учун ёқишганда, ўзбек аёлларини Ўзбек бўлгани учун навбатга туриб зўрлашганда, ўзбекларни Ўзбек бўлгани учун қирғин қилишганда, биз ўзбеклар уларни қуролли кучларимизни олиб кириб ҳимоя қилишни қўйиб туринг, фашистларга “Қўлингни торт!” деб ҳайқирoлмайдиган ҳолда эдик. Ҳозир ҳам ўша аҳволдамиз. Ўтган йили 10 июнда бир гуруҳ бирликчи-эзгуликчилар Тошкентдаги Қирғизистон элчихонаси олдида “Ўзбекларга қарши геноцид тўхтатилсин” деб намойиш ўтказдилар. Бугун ўзбек халқи шундай фарзандларини қадрлаш ва уларни қўллаб-қувватлашга ҳам қодир эмас.

Ўша муҳташам намойишларимизни “Кўча чангитиш” деб баҳолаб, тарихимиздаги биринчи миллий-озодлик ҳаракатини Ислом Каримга сотган 53-54 лақабли Салой Мадамин ва унинг атрофидаги хоин-итваччалар эса, чет элларга қочволиб, мухолифатчиликни масхарабозликка айлантириб юришибди.

Биз миллат сифатимизни тикламоқчи бўлсак, авваламбор сотқинларга нисбатан олий жазони тиклашга, ҳокимият ва мухолифат ичидаги хоинларни жазолашга маҳкуммиз.

Акс ҳолда, ҳеч қачон қаддимизни тиклай олмаймиз, жазо йўқлигидан руҳланган ичимиздаги ҳоинларнинг қурбони бўлиб юраверамиз.
« Олдинги хабар Хабарлар рўйхати Кейинги хабар »