Журнал Ҳаракат №3 (10) 1997. СИЁСАТ
Узбекистон иктисоди статистика буютигчи остида.
Касални беркитсанг иситмаси ошкор килади, дейди зако халкимиз. Бу универсал принцип. Лекин одамзод бор эканми, олдиларида тог каби турган бу каби принципларни айланиб утиб кетишни истаганлар топилаверади. Уларни ахмок, деб аташ хам кийин. Улар бу принципларнинг универсаллигини, ёки бошкача айтсак олдиларидаги тогни айланиб утиб булмаслигини билишмайди, холос.

Бу универсал принципларни четлаб утиб кетиш иштиёки билан яшаётганлардан биттаси У збекистон хукуматидир. У “уз йулимиз бор“ деганда, инсоният тарафидан кабул килинган ана шундай принципларни айланиб утиш ниятини ифода этмокчи булгани энди хеч ким учун сир эмас.

Хукуматимиз узлигини намоён килишни сиёсий сохадан бошлади. 20 асрнинг охирида, яъни куча-куй тили билан айтсак, кечагина урмондан чикканлар демократик жамият кура бошлаган бир замонда, минг йиллар маданиятига эга булган узбек халкини демократияга тайёрмас халк, деб элон килди. Бизга мухолифат керакмас, деди. Аммо номери утмади. Шундай булса хам, хукуматимиз “уз йули“дан дархол кайтадиган даражада анойи эмасди. У бошка уйин бошлади. Демократияни хам узини демократ деяётганларнинг ёрдамисиз, узимиз курамиз, деди. Мана буни хакикий, давлатга фойдаси тегадиган конструктив мухолифат деса булади, деб “Бирлик“ка карши бир партия туздирди. Хеч кимни ишонтиролмади. Ана сизга керак булса, деб яна 3-4та партия тузиб ташлади. Узини дунёдаги энг демократик давлатлардан бири деб эълон килди. Энди хар ким курдики, хукуматимизнинг сиёсий хаётдаги “уз йули“ - зуравонлик билан жамиятга сингдирилаётган масхарабозлик билан луттибозликнинг омихтасидан бошка нарса эмас. Яна энг кизиги шундаки, бу “уз йул“лари хам уз ихтиролари эмас, Болгария, Венгрия ва Польша каби давлатларнинг 1950-90ларда Москва таълимоти билан курган режимларидан олинган нусха булиб чикди.

Бизнинг хукуматининг иктисод сохасидаги “уз йули“ сиёсий сохага нисбатан муваффакиётлирокка ухшаши мумкин. “Аввал иктисодий кейин сиёсий ислохатлар“ шиори содда одамлар учун ростдан хам бир янгиллик каби куринди. Лекин хозир У збекистон хукуматининг бахтига карши содда одамлар камайиб кетаётипти. Купчилик вокеаларни анализ килишга урганган. Анализ эса шуни курсатаётиптики, У збекистондаги Советлардан колган иктисодий система коммунистик идеология догмаларига асосланган сиёсий системанинг давоми эди. Бошкача сузлар билан айтсак, иктисодий система сиёсий системага асосланганди. Демак, сиёсий системанинг ислохоти бир оз булсада олдинда кетиши керак. Узбек халки канчалик тез буни тушунмаётган хукуматдан кутилса, шунчалик яхши булади.

Учинчи аргумент

Булар хаммаси назарий сафсаталар, хаёт бизнинг йулимиз тугри эканлигини курсатмокда, дейишлари мумкин бизнинг мухолифларимиз, яъни хукумат одамлари. Демокдалар хам. У збекистон матбуот органларида сиёсий узгаришларнинг йуклиги истикрорлик келтиргани ургуланмокда, жумхурият иктисодининг бошкаларга нисбатан яхши курсатгичларга эга эканлиги доимо ракамлар билан намойиш килиб борилмокда. Хукуматимиз куп холларда иктисодий курсатгичларнинг аввалги йилларга нисбатан чукиб бораётганини тан олса хам бу чукиш бошкаларга нисбатан озлигини рукач килмокда.

Аслида хукуматнинг иддаоларини куйидаги икки аргумент билан рад этиб куйиш хам етарли буларди:

- Бошка жумхуриятларда сиёсий ислохотлар олдинда кетаётгани учун, улардаги статистик ташкилотлар сиёсий режимнинг тобелигидан чикарилганлар. Демак уларга ишониш мумкин. У збекистондаги статистика органларининг асосий вазифаси эса хали хам мавжуд хукуматнинг фаолиятини чиройли ранглар билан курсатиш булгани учун унинг маълумотларига ишониб булмайди.

- Бошка жумхуриятларда ростакам ислохотлар кетмокда. Эски уй бузилиб янгиси курилмокда. Бу шароитда иктисоднинг бир оз оркага кетиши кочиб булмайдиган зарурият. Бизда эса “Янги уй курмасдан эскисини бузма” никоби остида фундаментал ислохотлар утказмаётипти. “Эски уйни бузмасдан янгисини каерда курамиз”, деган риторик саволни бир четга куйиб турайлик-да, эълон килинаётган маълумотларни тугри деб исоблайлик. Шунда курамизки, Узбекистон статистика органлари бераётган ракамларнинг узи ислохотлар утказилмаётганинг энг яхши исботидир.

Биз бу ерда У збекистон иктисодининг ахволи хукумат айтаётганидан фаркли эканлигини, ахволнинг канчалик аянчли эканлигини курсатиш учун учинчи аргументдан фойдаланмокчимиз.

Бу аргумент шундан иборат. Мутахассислар жуда яхши билишадики, статистикадаги мингларча ракамлар бир бирлари билан шунчалик чигал шаклда богликларки, улардан баъзилари сунъий равишда узгартирилса, улар билан боглик булган хамма ракамларни мос равишда узгартириб куйиш амалда мумкин эмас. Демак, баъзи статистик ракамлар хукуматнинг ишларини чиройли килиб курсатиш учун узгартириб куйилса, “касални беркитсанг иситмаси ошкор килади“ принципига кура сохталиклар бари бир уртага чикади.

Бу каби универсал принциплардан фойдаланиб мамлакатимиз иктисодининг хамма сохаларини буюткич (русча оркали французчадан бизга келган “лупа” cузини шундай таржима килдик) остида текширсак куп нарсаларни билиб оламиз. Биз бу ишни узи тор булса-да, У збекистон каби аграр давлат учун мухим булган кишлок хужалигининг чорвачилик секторидаги ракамлар мисолида урганишга харакат киламиз.

Хукуматнинг чиройли ракамлари

Расмий доираларга кура, У збекистон уз иктисодиётини янги тизимга утказиш ва бозор муносабатларини шакллантириш борасида инкилобий сакрашларсиз тадрижий йулдан бораётганмиш. Чунки, айрим мамлакатлардаги каби иктисодий ислохотларни муайян кун, ой ёки йилда амалга оширишни олдиндан режалаштиришмапти. Мухтарам президентимиз томонидан ишлаб чикилган бозор муносабатларига утишнинг беш тамойили хаётга жуда-жуда мос эканлиги эндиликда тула исботланипти. Юртбошимиз таъкидлагандек, ислохотларни амалга оширишда боскичма-боскич, оддийдан мураккабга караб - эволюцион йулдан борилибди ва тугри килинибди. Сунг беш йилда чорвачиликга оид 10дан ортик конун, президент фармони ва Вазирлар махкамаси карори чикарилибди.

Натижада:

- Жумхуриятнинг барча тоифадаги хужаликларида 1996 йил якунларига кура 1992 йилга нисбатан корамоллар 76,6 минг бошга купайиб, уларнинг сони 5351,6 мингга етказилибди. Чунончи, сигирлар сони 30,5 минг бошга ошибди ва 2248 мингтани ташкил этибди.

- Барча тоифадаги хужаликларда 854,3 минг тонна гушт, 3390,3 минг тонна сут, 1056,9 дона тухум, 1487 тонна жун, 1370 минг дона коракул тери ишлаб чикарилибди. Биргина гушт ишлаб чикариш 1992 йилга нисбатан 77,3 тонна усиш берибди.

- Бугунги кунда республикадаги жами корамолларнинг 80 фоизи, шу жумладан сигирларнинг - 84, куй ва эчкиларнинг - 60, чучкаларнинг 36 фоизи шахсий томорка хужаликлари хисобига тугри келмокдамиш.

- Бу тоифадаги хужаликларда 1966 йилда 1992 йилга нисбатан корамоллар бош сони 635 минг бошга ёки 18 фоизга, шу жумладан сигирлар 120 минг бошга ёки 7 фоизга, куй ва эчкилар сони 139 минг бошга ёки 3 фоизга усибди. Гушт ишлаб чикариш хам 191 минг тоннага ёки 38 фоизга, сут 197 минг тоннага ёки 7 фоизга купайибди. У тган йили ахоли хужаликларида ишлаб чикарилган гушт, жами ишлаб чикарилган гуштнинг 82, сутнинг 88 фоизини ташкил этибди.

- 2194та корамолчилик фермерлари хусусийлаштирилибди. Уларда 1996 йилда 131,2 минг тонна сут, 122,4 тонна гушт ишлаб чикарилибди. Сигирларнинг сут махсулотлари уртача 1087 килограммни ташкил этибди.

Каранг, кандай гузал манзара. Хамма нарса яхши. Корамоллар сони ортаяпти, гушт микдори ортаяпти, сут микдори ортаяпти. Шахсий томорка хужаликларининг хиссаси ортаяпти. Хусусийлаштириш илгари кетаяпти.

Аммо Одам Атодан колган мантик деган нарса бор. Мантик вокеалар орасидаги сабаб-натижа алокаларига таянгани учун бу вокеаларга боглик ракамлар орасидаги кузга куринмас ипларни хам очиб берадиган бир воситадир. Биз статистик ракамларни буютгич остида урганиш деганимизда, бу ракамлар акс эттирмокда булган вокеалар орасидаги мантикий алокаларни урганиш кераклигини фараз килгандик. Хозир шу иш билан машгул булмокчимиз.

Аччик хакикат

Мантик шундан иборатки, бу корамоллор, эчки-сигиру уша чучкаларни бокиш учун озука керак, уларни сони ошиб бораётган эканми, демак:

- ёки озука микдори унга мос равишда оширилиши керак,

- ёки озука микдори ошмаса хам унинг туйимлилик даражаси кескин оширилиши керак.

Хуш, мамлакатимзда шу йуналишдаги натижалар нимадан иборат. Эълон килинган расмий статистик ракамларга карайлик.

Жумхуриятимиздаги озука экин майдонларининг узгариши:

1992 йил 883 минг га
1996 йил 440 минг га.
Уйлаб куринглар-а, кадрли укувчилар, мамлакатимизда турт йилда озука экин майдонлари 2 баробар камайипти. Бу умумий курсатгич. Хусусийларига карайлик: Беда учун ажратилган ер майдони 357 минг гектарга, яъни 2,3 мартага кискарди. Силос учун экилган маккажухори 1,5 ва хашаки лавлаги учун ажратилган майдонлар 2,9 марта камайди. Баъзибир вилоятларда 1996 йилда озука экинлари учун ажратилган майдонларнинг 1992 йилга нисбатан камайиш даражаси шундай: Наманган 2,4 марта, Бухоро ва Фаргона 2,5 марта, Жиззах ва Навоий 2,9 марта, Сурхондарё 3,2 марта, Андижон 3,9 марта, Сирдарё 4,5 марта.

Демак, жумхурият буйича озука экин майдонларининг кискариши натижасида 2215 минг тонна озука бирлиги кам етиштирилган. Бу озука билан 554 минг бош шартли молларни бокиш мумкинлигини хисобга олсак, Узбекистонда 1992 йилдан 1996 йилга кадар тахминан шунча бош мол камайганлигини айтоламиз. Юкорида курганимиздек, расмий маълумотлар кура эса факат усиш ва усиш бор эди. Кизик, ниманинг хисобига?

Балки юртбошининг курсатмалари билан ишлаётган дехконларимиз оз майдонда куп озука етиштиришаётгандир. Хар холда мамлакатмиз “уз йулини“ танлаган. Балки, бу йул уз натижаларини бераётгандир. Келинг, фол очиб утирмасдан, яхшиси яна ракамларга карайлик.

Утган йили кишлок хужалигини минерал угитлар билан таъминлаш даражаси 16-36 фоизга тушди. Натижада, агар 1992да хар бир гектар беда майдонидан 92 центнер беда пичани олинган булса, 1996да бу ракам 77 центнерга тушди. Демак, Узбекистонда бу кунда тайёрланаётган озуканинг микдори аввалгисига нисбатан ошди, дейиш учун хеч бир асос йук. Аксинча, бу микдор камайган.

Энди молларга берилаётган озуканинг туйимлилик даражасини урганайлик. Чунки хамма нарса озуканинг умумий микдорига боглик эмас. Унинг туйимлилик даражаси, концентратлар билан канчалик бойитилгани хам ахамиятга эга.

Мана ракамлар.

1992да бир шартли мол 27,1 центнер озука еган булса, шундан 8,5 центнери ёки 31 фоизи концентрат булган.

1996да бу ракамлар шундай: бир шартли молга 22,8 центнер, яъни 4,3 центнер кам озука берилган, концентрат эса 3 фоизга камайиб 8,3 центнерга тушган.

Балки, чорва молларини кучли озукалар, хусусан омухта емлар билан таъминлаш яхши йулга куйилгандир?

Олинган маълумотларга караганда “Уздон- махсулот“ корпорациясида ишлаб чикарилаётган омухта емларга маккажухори, бугдой, арпа каби дон компонентлари меъёридан 2-3 марта кам кушилаяпти. Натижада уларнинг туйимлилиги ва озукавий киммати жуда паст. Корамол, куй ва эчкилар учун тайёрланаётган омухта ем таркибига умуман маккажухори ва бугдой кушилмаяпти. Лекин норма буйича 10-20 фоиздан ошмаси керак булган кепак 60-70 фоизга чикарилган. ( Хозир гарб давлатларида хамма, айникса аёллар узларини кепак нонга уришган. Чунки у семиртирмайди, оздиради. Бу хам хукуматимизнинг “уз йули“, бутун дунёнинг йулига тескари йул эканлигини яна битта курсатгичидир).

Хуллас, бир огиз суз билан айтсак, Узбекистонда сунг йилларда тайёрланаётган озука микдори кескин равишда тушипти, унинг туйимлилик даражаси камайипти ва айни замонда, расмий ракамларга карасак, молларнинг боши сони ошипти. Бу булиши мумкинмас.

Булиши мумкин булган факат бир нарса бор. Бизнинг хукуматимиз хамма нарсани чиройли килиб курсатиш учун эълон килаётган умумий ракамлар эски Совет замонида булганидек, ёлгондан бошка нарса эмас ва бу факт хукуматнинг узи бераётган бошка ракамлардан куриниб турипти.

Биз бу анализ билан хукумат бурчакка сикиштирилади ва хатоларини (балки ёлгонларини) тан олади, деб умид килаётганимиз йук. Чунки иктисоддаги манзарани изохлаш сиёсий секторнинг иши. Бу сектор масхарабозлик ва луттбозлик сахнасига айланганини юкорида айтган эдик. Луттибоз ва масхарабозларнинг багажида эса уз хамкасбларининг тажрибаларига асосланган усуллар куп. Мана улардан биттаси.

1966 йили булса керак Хиндистон ва Покистон орасида уриш чикди. Покистон Бош штабининг вакили кунлик матбуот конференциясида “Хиндистон тарафида чэт эл кушинининг самолётлари уришишмокда. Биз уларни уриб туширдик“. Парчаларини курсак буладими, деб сурашган журналистларга

- Йук. Экинзорларимизни бузмасин деб биз уларни шундай бурчак остида ураётибмизки, тугри океанга тушишаяпти, - деган жавоб берилган.

Мамлакатимиз вакилларининг жавоби хам шунга ухшаш булади: Статистика Гарбнинг уйини. Бизнинг эса уз уйинимиз, э... , кечирасиз, уз йулимиз бор. Дехконлар юртбошимизнинг курсатмаларига амал килиб чорвачилик махсулотларини шундай етиштираётишиптики, улар статистика органларини четлаб утиб тугридан-тугри жонажон халкимизнинг дастурхонига тушмокда.