Журнал Ҳаракат №1 (16) 1999. Мактублар
Тарих такрорланаяптими?
Халк хамиша халол, адолатли хукмдор, дориламон хаёт хакида орзу килибгина колмасдан, шу хил тузимга интилиб келган. ХIУ асрда аввал Сабзаворда, сунг Самаркандда юзага келиб, озми-купми умр кечирган Сарбадорлар хокимияти, кайсидир маънода, шу орзу интилишларнинг амалий ифодаси эди.

Аммо Самарканд худудидаги Сарбадорлар хокимияти куп турмай халокатга юз тутди. Бунинг сабаби, улар, хокимиятни олганларидан кейин узаро хамжихат булаолмаганигина эмас, атрофдаги расмий амирлар ва бекларнинг Сарбадорларга карши амалий зарбаси эди.

Уша давр хукмдорларидан Амир Хусайн, кисман Амир Темур (гарчи у дастлабки пайтларда Сарбадорларга хайрихох булган эса-да) Сарбадорларнинг хокимият бошида туришидан манфаатдор эмас эдилар. Дарвоке, гарчи бу икки Амир ёшлигиданок бир-бирига дуст ва хамкор булиш хакида ахди-паймон килган булсалар-да, зимдан бир-бирларига карши эдилар: шу сабабли хам хар иккаласи тахт-тожларига бошкалар рахна етказмасликларини, оддий халк вакиллари худди Самарканддагидай хокимиятни олиб куймасликларини исташарди. Бундан, айникса, Амир Хусайн купрок хадиксирарди. У дусти Амир Темур Сабадорлар кумагида тахтни мутлок эгаллаб олишидан, узига зарар етказишидан куркарди. Шунинг учун хам Сарбадорларни ушлаб банди зиндон килиб дорга осишда у купрок роль уйнади.

Ажабо, тарих такрорланаяптими? “Бирлик” хам, худди Сарбадорлар харакати каби, оддий халк вакиллари ва зиёлиларнинг харакати эди. Агар у галаба козонганда, албатта оддий халк манфаатларини купрок уйлайдиган, хозиргидан яхширок бир тузим урнатиларди. Аммо худди Сарбадорлар харакати каби уни хам Ватанда узок яшатишмади...

Бу харакат лидерлари бошига хам сал кам Сарбадорлар харакатининг куни тушди: уларнинг бир кисми камалди, турмаларда жон берди, Ватанни ташлаб кетишга мажбур булишди.

Кизиги шундаки, бу харакатга карши курашганларнинг такдирида хам маълум ухшашликлар бор. Юртбошимиз ва собик Вице президент Мирсаидов худди Амир Хусайн ва Амир Темур каби дуст эдилар. Уларнинг хар иккаласи хам тахтни бир-бировидан кизганарди. Яна хам кизиги шуки, икковининг “Бирлик”ка муносабатида хам Х!У асрнинг юкоридаги арбобларига якинлик бор эди. Яъни, Каримов Кашкадарё вилоятини бошкараётганда “Бирлик”ка хайрихох эди. Мирсаидов (гарчи Уш-Узган фожиаси даврида бирликчиларга зугум утказган булса-да, кейинчалик) бу харакатга яхши муносабатда булди. Кейинчалик эса бутунлай мухолифат томонга утди. Каримов эса республика рахбарлигини эгаллагач турли йуллар билан бу харакатга карши каттикрок кураш олиб борди: дастлаб КГБ кумагида ва узини сиёсатга урган айрим шоирларнинг омилигидан фойдаланиб уни ичдан емиришга интилди. Булиниш юз бергандан кейин эса таъкиб тазйиклар кучайди: суикасдлар уюштирилди, лидерларнинг уйларига ут куйилди, машиналари ёкиб юборилди, узларини Ватанда яшатмаслик учун харакат килинди...

Бу ходисалар хакида уйларкансиз, беихтиёр, тарих такрорланаётганига амин булгандай буласиз.


И.Рахмон.