Журнал Ҳаракат №5 (26) 2000. ЖУРНАЛИМИЗНИНГ БУ СОНИДА:

(Суз боши урнига) - Биз узбеклар
Узбек зиёлиларининг эскидан колган менталитети узгармасдан 21 асрга мос келадиган жамият куролмаслигимизга ишонганим учун шу каби маколаларга кайта-кайта кул урмокдаман. Мен зиёлиларимиз узгармай колиб кетади, деган вахима ичида хам эмасман. Лекин биламанки, узгаришлар, жамиятимиз ичида куп булмаса хам хархолда бор булган жонкуярларнинг саъй-харакатлари билан булади, уз-узидан хеч нарса булмайди, бу дунёда. Сайловлардагина купчилик озчиликни енгади, янгилик билан эскиликнинг олишиши эса аксариятан озчиликнинг галабаси билан тугаб келган ва тугайди.


1993 йил. Иккита «хечким» билан сухбат


Айнан ушбу маколадаги мавзу билан бир нарса ёзиш фикри менда 1993 йил 24-25 март кунлари тугилганди. Уша кунларни бунчалик аниклик билан хотирлашимнинг сабаби бор. 1993 йил 21-23 март кунлари Туркиянинг Анталя шахрида Биринчи Турк Дунёси Курултойи булиб утди. Озорбайжоннинг уша вактдаги президенти, дустимиз Абулфайз Элчибей эндигина мустакил булган Турк давлатлари ва хали мустакил булмаган Турк жумхуриятларидан келадиган, расмий хайъатларга киритилмаган, аммо Туркия тарафидан Курултойга таклиф килинган миллий-демократик ташкилотларнинг вакиллари учун махсус самолёт берди ва 100дан ортик киши Бокуда тупланиб, бу ердан Анталяга учдик.

Ичимиздагиларнинг баъзиларида, визани куйиб туринг, совет замонининг махсули булмиш «юрт ташкарисига чикиш паспорти – загранпаспорт» хам йук экан. Лекин Элчибейнинг одамлари совет коидаларини четга суриб куйиб, хамма мехмонларни Туркияга олиб кетдилар. Биз, Узбекистонликлар каттагина гурух булдик: мен, яна бир катор «Бирлик»чилар - Мухаммадамин Нарзикулов (хозир мархум), Толиб Ёкуб, Ёдгор Обид, Равшан Жураев, уша пайтда «Эрк» партияси секретари Жахонгир Мухаммад, Туркистон халк харакатининг раисдоши Сейит Байдуллаев.

Курултойга Узбекистон хукумати тарафидан расмий Хайъат хам юборилганди. Хайъатнинг баъзибир аъзоларигина эсимда. Ёзувчилар Нурали Кобил, Тохир Каххор ва Карим Бахри билан эскидан таниш булсак хам Курултой кунлари ортикча мулокот килолмадик. Курултойдан кейин, кайтиш билети Истанбул оркали булган ёки баъзи сабаблар билан Истанбулга кетиши керак булганлар учун бир нечта автобус берилди. Бу автобуслар мен билан Истанбулга кетаётган Равшан Жураевни Истанбул ва Анкарада учрашувлари борлиги сабабли яна бир неча кун Туркияда колиши керак булган ёзувчилар Нурали Кобил ва Тохир Каххор билан бир орага келтирди. Сал кам бир кеча-кундуз бирга булдик. Йулда, бир шахарнинг мехмонхонасида тунаб хам колдик. Факат ноиложликдан демайман, бир-биримиз билан гаплашишга эхтиёж туйганимиздан хам булса керак, анча сухбатлашдик.

Гапларимиз асосан юртимиздаги вазият атрофида булди, десам янглиш булмаса керак. Уларнинг Узбекистонда кетаётган демократия тарафдорлари билан эски совет типидаги диктатурани тиклашга харакат килаётган Каримов уртасидаги курашга булган муносабатлари машхур бир латифани эслатарди. Афанди козилигида олдига келган 2 одамнинг рукачларини кетма-кет тинглаб, аввал биринчисига, сунгра иккинчисига – «Сен хаксан», деган ва бошка бир кишининг «Икки карама-карши фикр айтаётган одамларнинг иккаласи хам хак булолмайди-ку», деган эътирозига - «Сен хам хаксан», деб жавоб берган.

Булар хам шундайди. Биз «Бирлик»чилар бошлаб берган кураш натижасида узбек тили давлат тили булганини, «Бирлик» ва бошка жумхуриятлардаги миллий-демократик ташкилотларининг СССРни йикилиши ва ва Узбекистоннинг мустакил булишидаги хал килувчи ролини сузсиз тан олардилар. Айни замонда, уз курсисини саклаб колиш учунгина (у пайтда истикрорликни саклаш, ислом экстремизмининг олдини олиш каби лофлар хали уйлаб топилмаганди) айнан мустакиллик куршчиларига карши Россиядаги империалистик кучларнинг истагани каби террор бошлаган Каримовни хам оклашга интилишар, хозирги утиш даврида мустакилликни саклаб колиш учун хукуматнинг баъзи хатти-харакатларига чидаш кераклигини таъкидлашарди. Уша пайтда Каримов Коллектив Хавфсизлик Шартномасининг асосий ташаббусчиси булганини, Тожикистонда рус кушинларининг сакланиб колинишида катта роль уйнаганини, яъни регионимиз мустакиллигига хавф солувчи омилнинг яратувчиларидан бири булганини, шу билан Каримов Россиянинг региондаги асосий одами булиб колятганини эслатиб, «Мустакиллик - руслардан мустакил булиш маъносини англатади-ку, мустакилликни мустахкакмлаш хали хам стратегик режаларидан воз кечмаган мустамлакачи билан огиз-бурун упишиш билан булармиди?», десангиз, «Бу хам тугри» - жавобини беришарди.

Шунда мен айтдим: Ха майли, Каримов бизни хокимиятга даъвогорлар сифатида йук килишга интиляпти, деб фараз этайлик, бунинг узини маёнавият нуктаи назаридан кандай бахолаш масаласига хам куз юмайлик, аммо Боймирза Хайит хакида нима дейсиз?...

Тохир Каххор ва Нурали Кобиллар Боймирза аканинг юрт ташкарисида 52 йил, аввал курол кейин калам билан, Советлар империясига карши Туркистоннинг озодлиги учун олиб борган курашидан совет замонларидан бери хабардорлар. Улар ичларидаги Боймирза акага хайрихохликларини хамма катори совет режимидан куркканлари учун очик айтолмаганларига хам ишониш мумкин. Мустакиллик эълонидан сунг, 1991 йил октябрь ойида Нурали Кобилнинг таклифи билан Боймирза Хайит Ёзувчилар Уюшмасига яъзо килинганини «Ёв кочиб, ботир купайганинг» ифодаси сифатида булса хам ижобий кабул килиш лозим.

Аммо, бундан кеёин хам Каримов унинг Узбекистонга келишига каттик каршилик курсатганини кандай изохлаш мумкин? Тугри, баъзи зиёлиларнинг куп уринишлари натижасида, 1992 йилнинг 12 июлида нихоят Боймирза Хайит Тошкентга келди, лекин 2 хафта утар-утмас, Каримовнинг амри билан Узбекистондан хайдаб чикарилганларига нима дейсиз?...

Дарвоке, Боймирза ака хам Анталядаги Курултойга катнашдилар, унинг энг машхур иштирокчиларидан булдилар. Биз у киши билан куп сухбатлашдик. Нурали ва Тохирлар хам куришишганига хеч кандай шубхам йук. Боймирза ака уларга, тутган позициялари хусусида, 1-2 огиз аччик гап хам айтган булсалар керак-ки, мен у кишининг исмини тилга олишим билан «портлаб» кетишди.

«Бу канака одам узи? Намунча айюханнос соладилар? Ватан учун, миллат учун курашга кирган одам бу курашнинг азобларига хам чидайди-да. Эллик икки йил юрт ташкарисида колиптилар. Нима килипти, бу нарса яна бир неча йил давом этса?»

Мана, икки зиёлининг, миллатнинг гуллари деб хисобланадиган ёзувчилардан иккисининг фикрлари. Мен уларнинг цинизми каршисида лол колдим.

Баъзилар, канакасига улар миллатнинг гули булсин, иккаласи хам «хечким» дейишлари мумкин. Агар шундай булса-да, яъни биз куяятган юксак талаблар улчовида улар «хечким» булса-да, улардан жахл устида булса хам бундай гапларнинг чикиши, мен юкорида айтган менталитетда узгаришлар лозимлигининг яна бир исботидир.


Шахобиддин Яссавий сабоги


Ушбу маколанинг мавзуси буйича мени бир нарса ёзишга ундаган бошка бир вокеа яна Туркияда юз берганди.

Истанбулнинг Мартер махалласида яшаганимизда шундоккина кушнимиз Шахобиддин Яссавий бизга гоявий маънода хам энг якин кишилардан бири булдилар. У киши одатда йилнинг ярмини (тахминан ноябрь-апрель ойларини) Жиддада, колган ярмини Истанбулда утказадилар. Шахобиддин ака серфарзанд киши (Оллох хаммага шундай бахт насиб этсин). Мен биладган 2 угиллари ва 1 кизлари Саудияда, 3 угиллари Истанбулда, 1 кизлари Америкада (табиий хамма фарзандларининг уз оилалари бор) яшашади. У киши асли Туркистонлик (хозирги Чимкент вилоятидаги Туркистон шахрини назарда тутаяпман), машхур бобоколонимиз Яссавийнинг авлодларидан. 30 йилларда советлар дастидан юртни тарк этишга мажбур булиб Авгонистонда яшадилар, бу ерга хам советлар бостириб келгач, Саудияга ташиндилар. Доимо ватанларини озод булишига ишониб яшадилар ва умидларига эришдилар. Авгонистонда булсин, Саудияда булсин турли фаолиятлар билан Ватан озодлиги учун бир нарсалар килишга интилганларини хамма билади. Туркистон миллий-озодлик харакатлари ва улардаги уз уринлари хакида 2та кулёзма китоблари бор. Узбек тилида, араб имлосида ёзилган. Бу китоблар нашр этилмаган булса хам нусхалар холида етарлича таркалган.

Мен у киши билан 1991 йил август ойида Пулат Охун билан биринчи Туркия сафаримиз чогида танишдим. Ушандан бери факат ота-угил эмас, сарфдошлар каби бир-биримизга якинмиз. Куплаб учрашувларимизда миллатимизнинг, Ватанимизнинг тарихи, бугуни, келажаги хакида сухбатлашардик. Шахобиддин ака «босмачилар замони» деб аталган замонда хам, кейин хам миллий харакатларда бирлик-баробарлик булмагани ва хозир шундай булаётганини ватаннинг хакикий мустаккилиги ва миллат хуррияти йулидаги катта тусиклардан, деб хисоблайдилар.

Бугун миллий харакатларда бирлик йуклигини гапирганда, «Бирлик» ва «Эрк» уртасидаги нифок назарда тутилади ва умуман узбекларга хос булган шаклда хамма нарсанинг сабаби ташкилот рахбарларининг келишмов-чилиги, деб хисобланади. Шахобиддин Яссавий билан сухбатларнинг бирида «Ичимизда бирлик-баробарлик йуклигида факат лидерлар айбдор эмас», дедим ва бирлашиш йулидаги тусик «Эрк» партияси ва унинг раиси эканлигини айтиб, буни куйидагича тушунтирдим. Лидер бир узи эмас, оркадаги одамлари, ташкилоти билан кучли. Ташкилотлар бирга булишни истиса-ю, лидерлар истамаса, бу аслида ташкилотларнинг ёки заифлиги ёки йуклигидир. «Бирлик»чилар бирга булишни истайдилар, мен буни биламан. «Эрк»да эса ёки ташкилотнинг узи йук, ёки ташкилотнинг узи биз билан бирга булишни истамайди.

Бу масалада, деб давом этдим мен, сизларнинг, яъни чет элдаги зиёлиларнинг хам айби бор. Мутлако купчилик, «Бирлик» ва «Эрк» бирга булишини истайди, буни умумий холда гапиради хам. Аммо сизлар талаб килишингиз хам керак. Бу талабнинг хукукий кучи йук, аммо лидерлар ёмонотли булишни истамаганлари сабабли гапларингизни амалда хисобга оладилр. Вахоланки, сизлар бирлашишни истамаган одамни энг камида ёмонотли килаоласизлар. Бу гапларим Шахобиддин акага таъсир килди. «Мен Мухаммад Солий билан учрашиб, бу масалани албатта гаплашаман», дедилар.

Орадан маълум бир вакт утди. Шахобиддин ака телефон килиб колдилар ва бир пиёла чой ичамиз, деб уйларига чакирдилар. Чикдим. Албатта, хар доимгидек, чой билан биргаликда мул-кул дастурхон бор эди уртада. У ёк бу ёкдан гаплашиб утирибмиз. Нихоят, улар максадларини айтдилар. Куни кеча «Эрк» раиси билан учрашиб, «Бирлик» ва «Эрк»нинг биргаликда булиши масаласини уртага куйиптилар. «Киска килиб айтсам, гап шундай, - деди Шахобиддин ака, - Мухаммад Солий сиз хаккингизда хеч кандай ёмон гап гапирмади, аммо, сиз билан хеч качон бирлашмаслиги катъий карор эканлигини билдирди».

Энг кизиги шундаки, Шахобиддин ака «Эрк» раиси мени ёмонламагани учун унга симпатиялари ошганини ва бирлашмаслик карорининг катъийлик билан айтилганини хурмат килувчи фактор уларок кабул килганликларини очикча курсатардилар.

Мен шундай дедим: «Шахобиддин ака, мен факат Сизга эмас, купчиликка бизнинг маглубиятимизнинг асосий сабаби – курашимизнинг энг мухим пайтида сафимиз «эрк»чилар тарафидан булингани, уларнинг коммунистик хокимият билан нафакат хамкорлиги, балки биргаликдаги бизга карши кураши, деб айтиб келганман. Хозир бу исботланган нарса. Тугри, оёгимизга болта урган одамларнинг айбини фактлар билан курсатиб беришимизни «бировни ёмонлаш», деб хисоблайдиганлар етарлича бор. Мана, сиз хам у тараф бизни «ёмонламаганидан» мамнунсиз. Аммо, бу асосий нарсами? Хозир ёмонлаш билан танкиднинг фаркини гапирмайман. Лекин, биз богча болалари эмасмиз-ку. Биз сиёсатчилармиз. Бизга карши турган дахшатли куч олдида, асосий максадимиз шу кучга карши туриш булатуриб, кандай сабаб билан булса-да, бирлашишни рад этишдек калтабинлик буладими? Сиз хам куп гапирадиган нарса, яъни, босмачилар замонидан бери, балки ундан олдин хам бирлик-баробарлик йуклигининг асосий сабаби орамизда шундай калтабинларнинг борлиги эмасми? Уларнинг калтабинлари шундай дахшатли улчовдаки, килаётган ишлари калтабинликлигини хам билмасдан, бу билан магрурланадилар».

Шахобиддин ака менга караб бироз уйланиб колдилар ва сунгра самимийликларига хеч шубха колдирмайдиган шаклда дедилар: «Бизнинг сиёсатчи эмаслигимиз шунда булса керакки, хамма ерда шу «ёмонлаш-макташ» масалаларини куп гаплашамиз, уларга ургу берамиз. Аслида, бу ерда кураш кетаяпти, сиёсат олиб борилаяпти. Демак, мухокама килиниши керак булган нарса куйилган кадамлар ва олинган карорлардир. Шу сабабли Сиз хаксиз».

Шунда мен тушиндимки, одамларни сиёсий масалаларда сиёсий категориялар билан уйлашга чакириш мухим иш, бу чакирикни килиш эса бизнинг, яъни сиёсатчиларнинг вазифаси.

Ха, бу мухим иш. Аммо, хар доим хам осон иш эмас. Чунки, хамма хам Шахобиддин Яссавий каби масаланинг мохиятини бир огиз суздан илиб олабермайди. Мана бунга бошка бир мисол.


Вашингтон-Прага телефон сухбати


Шу йилнинг урта ойларидан бирида Прагадан «Озодлик» радиосидан кунгирок келди. Телефон килаётган киши радионинг Ушдаги мухбири, уша кунларда киска муддатга Прагадаги студияга ишлашга чакирилган Сарвар Усмон экан. Унинг чикишларини бир махаллар мунтазам эштиб борардим. Узбекистон диктатураси шароитида узбек журналистларнинг огзи елимлангани, «Озодлик» ва ББСнинг Тошкентдаги бюроларида, хатто маълум маънода марказий офисларида ишлаётган узбек журналистлари Узбекистон хавфсизлик хизматининг таъсири остида булганликларидан ошкоралик ва демократия рухини тула акс эттиролмаганлари сабабли менга айнан Сарар Усмонга ухшаганлар узбек журналистикасининг замонавий тимсоли каби куранарди. У Ушда туриб водийлик «Бирлик»чиларга баъзи масалаларда ёрдам бериб келганидан хам хабарим бор.

Сарварнинг телефон килишдан максади – Узбекистон Исломий Харакати АКШ Давлат Департаменти эълон килган дунёдаги терористик ташкилотлар руйхатига тугридан тугри киритилмаса хам, номи уша ерда тилга олиниши хусусида сухбат утказиш экан. Сухбатда мен бу масала буйича хануз воз кечмаган фикримни изохлаб бердим.

Менинг фикримга кура, Исломий Харакат биз демократлар рад этадиган куролли кураш йулини танлади ва фукаролар уруши бошлади. Биз бу урушга каршимиз, хали хам булса муаммоларнининг ечимини сиёсий йуллар билан кидириш йулига утиш кеч эмас, деб хисоблаймиз. Аммо, очик уруш эълон килган ташкилотни террорист, деб айтолмаймиз.

Бу масалада Сарвар Усмон мен билган журналист Сарвар Усмонга ухшамасди. У жон-жахди билан мендан менинг жавобимни эмас, узи истаган жавобни, яъни бу исломчилар террорист булмаса хам террористларга якин жавобини олишга уринар ва саволлари билан узича мени бурчакка сикиштирмокчи буларди. Албатта, менинг фикримни узгартириб булмайди, лекин ичимда Сарвар хам «Озодлик»нинг узбек хизмати ходимларига тортилипти, деб уйлаб куйдим.

Радио учун сухбат битгач, бир оз узимизча гаплашдик. Мухолифатни хам тилга олдик. Уз-узидан маълумки, бу мавзу бизни тезлик билан «Бирлик»-«Эрк» муносабатларига, бир кучга карши турган булсак хам ичимизда бирлик йуклиги масаласига олиб келди. Олдин хам айтганимдек, бу масалага кизикувчилар куп. Лекин, тугрисини айтсак, баъзи бирлар учун бу гийбат килишга ухшаган нарса. Гапирилади, гапирилади, бир оздан кейин унутилади. Лекин, Сарвар уткинчи бир кизикувчи эмас, дедим мен уз-узимга. Ахир у сиёсий журналист.

Шу сабабли унга хар кимга хам гапирилмайдиган гапларни айтиб, масаланинг мураккаблигини, булиниш замонидаги хунук вокеалар хали хам буйнимизда огир юк булиб турганини, ундан кутилишнинг йули уша вактдаги вокеаларга очиклик киритиш эканлигини, бирлашишимизни истамаган куч, яъни мавжуд хукумат, кулидаги бутун имкониятлари билан бу масалада хам актив иш олиб бораётганини, 1992-95 йиллари бирлашиш учун килинган иккита жиддий уриниш, фикримча, хукумат томонидан бузилганини айтдим. Бирлашиш масаласини энди кайтадан кун тартибига олиб келиш учун, ташкилотлар булиб утган вокеаларнинг мохиятини тушуниб етишлари лозимлигини алохида ургуладим.

Сарварга кура, бу айтганларим эмоционал фикрлар булиб колмаслиги учун уларни тасдикловчи фактлар керак эди. Мен бу шаклдаги эътироздан хурсанд булдим. Чунки, Сарвар хакикий журналист каби вокеаларни чукуррок тушунишга интилятгандек куринди. Жуда яхши, дедим мен, нашрларимиздан бирида бирлашиш учун 1995 йилда килинган охирги уриниш хронологик шаклда аник факт ва хужжатлар билан ёритилган. Уша макола билан танишиб, чукур ва жиддий уйлаб куринг, куп нарсани тушунишингизга аминман.

«Мен «Мустакил хафталик» газетасининг 5-сонидаги Сиз айтаётган макола билан танишман, - деди Сарвар, - У менга ёкмаган, чунки у ерда Мухаммад Солихни жуда ёмонлагансиз». Сарварнинг эсида 5 йил аввал чиккан газетадаги бир макола туриптими, демак у уша маколани хакикатдан яхши билади. У маколада 1995 йилда катта машаккатлар билан кандай килиб хамма мухолифат лидерлари нихоят бир карорга келганлари, фаолиятларини мувофиклаштириш учун шартнома имзолаганлари, аммо орадан куп эмас, оз эмас 12 соат утганидан кейин «Эрк» раиси арзимаган бир нарсани рукач килиб, шартномани бузгани хужжатлар билан ёритилганди. Мухолифатнинг обрусини «бир пул» килган» бу вокеанинг айбдори ким эканлиги равшан - «Эрк» партияси ва унинг раиси. Буни хеч ким инкор килолмайди. Жумладан, Сарвар хам. Уйлайманки, худди шунинг учун у мавзуни «ёмонлаш категорисига бурмокчи булар, юкоридаги гапи билан «Бирлашиш булмаганининг сабаби узларинг, ёмонлашларинг», дерди.

Аслида, Сарвар Усмон фикрловчи журналист эмас, оддий «Эрк»чи булганда хам диктатура билан «хаёт-мамот» мужодаласини юритаётган мухолифатнинг бирлашиш шартномасини бузган уз партиясининг раисини маъсулиятсизлигини уйлаб куриши керак эмасмиди? Бир вокенинг сабабини танкид килишни, келинг, бу танкид эмас, Сарвар айтгандек, ёмонлаш хам булаколсин, вокеанинг сабабчисига айлантиришга интилаётган журналистнинг мантигини кандай изохлаш мумкин?

Мени шу каби саволлар уйлантириб куяркан, бу каби одамларимизнинг менталитети, куполрок килиб айтсак, фикрлаш стандартлари узгармас экан, биз замонавий жамият куролмаймиз, деган фикрим тугри эканлигига яна бир марта ишондим.

Мен бу ерда менталитет сузини бекорга ишлатмаяпман. Чунки, авваллари одамларнинг фикрини фактлар билан узгартирса булади, деб уйлардим. Лекин, бу ерда келтирилган 3 мисолдан иккитаси курсатаяптики, менталитет узгармаса одамлар эски менталитетлари билан бор фактлардан хам тугри хулоса чикаролмайдилар. Тохир Каххор ва Нурали Кобуллар мустакиллик курашчиси Боймирза акани «мустакил» Узбекистондан хайдалишида хайдаган Каримовни эмас, хайдалган Боймирза аканинг узидан айб кидириб, уни яна «чидашга» чакиришлари, Сарвар Усмон эса нохуш булган вокеанинг олдини олиш учун вокеа юз бериб булгандан кейин унинг натижасини «ёмонламасликка» чакиргани каби.

Абдурахим Пулат
Вашингтон. Сентябрь, 2000