Журнал Ҳаракат №2 (29) 2001. Адабиёт
Шер Али Жушкин - «Иккинчи» ва «учинчи» одамларнинг такдири
Мавлон Умрзокнинг президент саройидаги мавкеи кун-кундан ошиб кетаётувди. Факат угина президент Ислом Каримов хузурига бемалол кириб-чика олар, мухим давлат ишлари, хусусан, юксак лавозимли кадрларни турли постларга куйиш юзасидан маслахатлашарди. Кадр масаласини хал этиш саройда кадр топиш, жарак-жарак доллорга эга булиш, бу эса, кайф-сафо-ю, айш-ишрат, шахона яшаш дегани эди. Унга "ичкари"даги бир хил ходимлар хавас билан карашса, иккинчи хиллари хасад билан муносабатда булишарди. Тахт-тож учун ноконуний йуллар билан курашадиганлар эса, кадим-кадимдан пул ва бойлик, айш-ишратни биринчи уринга куйишади.

Бу пайтларга келиб, жамият табакаланиб булган, бойийдиганлар бойиб, камбагаллар купайганди, саройдагиларнинг купчилиги оддий одамларга юксакларда учиб юрган бургутлар пастдаги каламуш ёки куёнларга карагандай карашар, халкнинг ахволи, уларнинг турмушидаги кийинчиликлар хакида суз кетса, "Куйсангларчи, сиз билан биз зодогонлармиз, оддий, кора халк хакида оксуякларга ухшаб гаплашайлик", деб, мийигида кулиб куйишарди. Саройдагилардан аксарияти Мавлон Умрзокка иши тушиб колиши мумкинлигини, бирон колхоз раиси, туман хокими ёки Вазирлик масаласини у билан ечса, чунтаги пул куриб колишини билар, муомала хам шунга яраша эди. Колхоз раислигининг нархи 10, туман хокимлигиники 40-50, вилоят хокимлигининг ставкаси эса 100 минг доллор атрофидалигини саройдагилар билар, омади келиб, пастдан кимдир узига шу хил илтимосни айтиб колишидан умидвор булиб яшар, гох-гох, институт муаллимлари абитуриент ахтаргандай, улар хам раис ёки хоким буламан, дейдиган пулдоррок мижоз ахтаришарди. Мавлон Умрзок узини оксуяклардан деб билса-да, бошкаларни хам ранжитмас, унча-мунча илтимосларини шунчаки худо йулига хам бажариб юбораверарди. Республикадаги иккинчи одам (уни хатто президентнинг узи хам шундай таърифлаганди) учун, колхоз раисини алмаштириш писта, туман хокимини олиб ташлаш эса ёнгок чакишдай гап эди.

Ахмад Отажон унинг кул остида ишлар, анча-мунча "иш"ларни улар бирга килишар, бир-бирларига хадлари сигар, гохида хатто Мавлон акасига "Фалон ишимиз яхши булмади, мана бундай килганимизда зур буларди", деб акл хам ургата оларди. Бундай гапларни Мавлон дастлаб оила аъзоларининг бир-бирига эркалиги тарзида кабул килди, куп хам куйнига олавермади. Шу сабабли хам баъзи нозик "иш"лар чикиб колса Ахмад Отажонга буюрар, у хам "тез ва сифатли" бажаришга интиларди. Нозик "иш"лардан айримларига шерик булиб чунтаги каппая бошлагач Ахмаджон унга хадди сигиб купрок хазиллашадиган, айрим масалаларни уз холича хам, "Мавлон ака айтди", деб бажараверадиган булди. Унинг бу одати бора-бора "иккинчи одам"га ёкмайдиган булди. Баъзи "иш"ларни бошкалар билан кила бошлади. Аммо анча-мунча сирларни билгани учун хам Ахмад Отажонни уйиндан бутунлай чикариш кийин эди. "Узокрокдан бир иш бериб бундан кутилиш керак", деган фикр Мавлоннинг калласида купдан бери айланиб юрарди. Кунлардан бирида, саунага боришди, озгина "оби-замзам"дан ичишганидан сунг бассейн-ховузга тушишди:

- Ахмаджон, жуда чарчадим, оксокол каттик ишлатяпти, бирон вилоят ёки туманга хоким булсам, сал нафас ростлаб, дам олармидим, - деб колди.

- Куйсангизчи, Мавлон ака, вилоят хокимининг бир йилда топганини сиз бир кунда топасиз, бошингизга урасизми, хокимликни, - деди ширакайф Ахмаджон.

-Куйинг, бундай бир кунда, ун кунда, деган гапларингизни, - деди Мавлон юкорига ишора килиб,- у хаммомда хам овоз ёзиб оладиган аппарат булиши мумкин, деб уйларди, сунг овозини баландлатди - биз каерда булсак хам оксоколга садокат билан хизмат килишимиз керак, шунинг узи бизга етади, ризкни Аллох беради, кам булмаймиз. - У яна овозини пастлатди. - Сизга бу гапни айтаётганимнинг сабаби бор. Якинда уйингизга якин туманлардан бирининг хокими узгаради, бормайсизми, деб таклиф килмокчи эдим.

Ахмаджон бу гапни кутмаганиданми, бироз уйланиб колди. Сунг, ялинганнамо:

- Жон ака, кулингизда ишлаб турайлик, тажриба орттирайлик, кейинрок бир гап булар,- деб таклифини мулойимгина рад этган булди. Аммо Мавлон Умрзок калласидан бу ният чикиб кетмаганди.

Ахмаджон хам анойи эмасди, бу таклиф уни саройдан узоклаштириш учун айтилаётганини билар, узининг МХХдаги якинларини шу хил хабарлардан огох этиб турарди.

- Принципда унинг таклифи ёмон эмас, аммо у сени узига конкурент деб уйлагани учун, шундай таклифни илгари суряпти, сен бизга уша ерда кераксан,- деди МХХдаги маслахатгуйларидан бири. У Ахмаджондан гох узига билдириб, гох билдирмай информация олар, уз навбатида бу гапларни уз шефига етказиб унинг обрусини козонарди.

- Яна шундай таклиф булиб колса не иш этай, - деди у ердошига, шева тили билан, гуё кишлогининг шеваси эсидан чикмаганини билдириш учун.

- Уйлаб кураман, деб кутилавер.

Бу гапдан бир неча кун утгандан кейин Мавлон Ахмаджонни ёнига чакириб, жиддий тусда, Кораколпогистонда уша туман хокимлиги бушаганини, Ахмаджон шунга борса, кам бумаслигини тушунтирди. "Биз хам бу ерда канча турамиз, Худо билади, Сизга бир яхшилик килай дейман-да", деб кистириб куйди.

- Жон ака, уйлаб курай, яна озгина вакт беринг, - Ахмаджоннинг огзидан чиккан гапи шу булди. Мавлоннинг хонасидаги Катта билан богланган телефон жиринглаб колди. Ахмаджон телефонга сукланиб караб колди. Мавлон трубкадаги овозни эшитибок, "Хозир кираман", деб урнидан кузгалди. -Уйлаб куринг, мен бу гапни жиддий айтяпман, бундай имконият хамма вакт хам булавермайди, - деб яна таъкидлади.

Ахмаджон уйлаб куришга суз бериб, хонадан чикиб кетди.


* * *
Мавлон Умрзок, кунглида унчалик кири йук одам булиб, барча билан бир хилда сузлашишга одатланганди. У то "иккинчи одам" булгунча топган ошно, ёр-дустларни унутмас, бирон илтимос билан келишса, иложи борича, битказиб берарди. Унинг соддадиллигидан куп одамлар фойдаланар, ишларини битказгач, "Мавлонга фалон доллор бердим", деб булмаган ишларни хам гапириб юришарди. У айникса, маданият, санъат ахли билан якин булиб, кунгилочар базмларни яхши курар, совгаси булса-булмаса, узи талантли деб билган, ёки таникли шоира булмиш хотини айтган актрисаларга, актёрларга химмат кулини чузар, унга мурожаат килганлардан анча-мунчаси халк артисти, бир хиллари хизмат курсатган хофиз унвонларини олишга улгуришганди. Уз вактида аёли билан бирга ишлаган, сунгрок ёзувчилар уюшмасининг котибларидан бири булган Эврилбек хам унинг кабулига келиб турар, унинг хам нималардандир илинжи бор, аммо дабдурустдан айтишга ийманарди.

Уша, куни эрталаб Эврилбек ховликиб кунгирок килиб колди.

- Мавлон ака, жуда жиддий иш бор, олдингизга кирмасам булмайди.

- Мунча?! Тинчликми?!

- Тинчлик эмас, телефонда булсаям айтаверайми?!

- Айтаверинг, гап бошлаганингиздан кейин охирига етказинг-да!

- Кимдир уйимга мухолифат хорижда чикараётган газетасидан бир пачкасини ташлаб кетибди.

- Хозир каердасиз?

- Шу ерда, проходнойдаман.

- Трубкани милиционерга беринг.

Милицияонер шеригига урнида утириб туришни илтимос килиб, Эврилбекнинг кулидан улкан картонга яхшилаб уралган пачкани олиб кутардию, уни хам эргаштириб юкорига - Мавлоннинг хонасига киришди. Мавлон у билан узок сухбатлашди. Качон, каерга, кандай ташлаб кетганигача хижжалаб суради... Сунг кетишга рухсат берди. Аслида Эврилбек шу келганида ундан яхширок иш хам сурамокчи эди, аммо Мавлоннинг хаяжонли холатини куриб индамади.

Эврилбекни кузатиб куйганидан кейин у Катта билан тугридан-тугри уланадиган телефон гушагини кутарди. Гап нимадалигини айтиб, пачкани кутарганча, президент хонасига кириб борди.

- Мана, куппа-кундуз куни мухолифатнинг чет элда чикаётган газетасидан бир ёзувчининг уйига ташлаб кетишибди. Хозиргина менга олиб келиб берди.

- Кани курайлик, газетасида нималарни ёзишган экан?

У газетани шошмай вараклай бошлади. Узи хакидаги материалларни укиб, гох окариб гох бузарди. Унда уч одам, Мирсаидов, М.Холик, Каримовларнинг тугилган йили, ойига караб тузилган гороскоп тахлили берилган булиб, Мирсаидов ва М.Холикнинг келажаги порлоклигию, президентнинг "ахволи вой"лиги ёзилганди. Президент бу хил горскоп-мороскопларга ишонмаса-да, астойдил жахли чикди. Газаб устида МХХнинг бошлигини, Бош прокурорни ва Ички ишлар Вазирини чакирди. Улар зудлик билан етиб келишди. Бу вакт президент газетадаги бошка маколаларни укиш билан банд эди. Улар Каттанинг газета укиётганини куриб бир четда индамай туришди. Презтидентдаги асабий холат уларга хам утиб улгурган, бир-бирлари билан куз уриштириб, нималарнидир уйлаб туришарди.

- Мавлон, бупти, сен боравер...

- Бу нима, огайнилар? Каёкка караяпсизлар? Куппа-кундуз куни кимдир мухолифатнинг ташкарида чиккан газетасини таркатиб юрса-ю, уни мен Мавлондан билиб олсам... Нима Мавлонни бундан бошка иши йукми?!

Улар президентнинг газаби пасайишини кутгандай жим туришди, орада яна бир-бирлари билан куз уриштириб олишди. Афтидан улар ташкаридаёк нимагадир келишиб олишган эди.

- Мен Сизлардан жавоб кутяпман. Нимага энди бу ишлар билан Мавлон шугулланиши керак? Нега хамма уз вазифасини бажармайди?! Сизлар каёкка караяпсизлар? У шундай деб МХХ бошлигига каради.

- Ислом Абдуганиевич! Биз бу ишлар билан шугулланаяпмиз. Газетани качон, кимлар обкелганигача, кимлар таркатаётганигача билардик. Аммо бу ишларни бошида ким турганини билмай юргандик. Бугунгина, тугрироги, бундан бир соат олдин унинг кимлигини аникладик.

- Ну-ну?! Хуш, ким экан, бошлиги?

- Мавлон Умрзаков?!

- Ким!?- Ислом Каримов урнида бир сапчиб тушди? - Ху, хаёлларинг жойидами? Мавлон менга газетани хозир олиб келиб берди-ку?!

- Биз буни хаммасини куриб тургандик. Эврилбек деган ёзувчи унга газетани олиб келди, у эса, Сизга олиб кирди...

- Хуш, нима килибди олиб кирса, у менга хаммасини айтди.

- Хаммасини айтмаган. Эврилбек то Мавлонга газетани олиб келиб бергунча унинг ярмини таркатиб улгурди.

- Бу ишларнинг бошида кандай килиб Мавлон турган, дейсиз?

- Ислом Абдугуниевич! Кечиринг, ипнинг бир учи Мавлонга келиб такалгани учун, Сиздан берухсат унинг оркасидан хам одам куйишга тугри келди. Унинг планлари катта. Хатто президент булиш нияти хам бор экан.

- Куйсангизчи!?

- Рост. Узи хам катнашган бир мажлисда, вроде, утиришда Мавлон Умрзоковнинг президент булиши учун тост кутаришган. Уларнинг овозини бизнинг йигитларимиз ёзиб олган. Хохласангиз лентани куйиб беришимиз мумкин.

- Кейин... Сиз колинг, Сизларга рухсат. - У Ички ишлар вазири ва бош прокурорга рухсат берди, - Аммо бу гаплар ташкарига чикмасин, Мавлон эшитмасин. Хали бир карорга келганим йук. Бу ишлар билан биргаликда шугулланасизлар.

- Хуп, Ислом Абдуганиевич! - икки бошлик чикиб кетгач, президент бошини чангаллаб бир пас утирди.

- Кимга ишониш керак?! Кимга?! Бир хилда хаммаларинг кузимга менинг душманларим билан ош-катик булаётгандай туюласизлар. Мавлонки, шундай ишлар билан шугулланса, кимга ишониш керак?

- Ислом Абдуганиевич! Ишончли одамлар бор. Худо хохласа барча душманларингизни оёгини осмондан келтирамиз. Ишонавиринг!

- Ишондим...- унинг овозида самимиятдан кура истехзо бор эди,- Хозир менга Журабековни чакириб беринглар! Уша тулки билан хам... Бупти, Сизга хам рухсат.

МХХ бошлиги хайрон булиб караб турди-ю, хонадан чикди. Журабековни чакириш хакидаги гап узига тегишли эканлигини эслаб, Крайновга уни президент сураётганини айтиб идорасига кетди. Президент нега Мавлонни дархол хибсга олдирмаганини, нега Журабековни чакираётганини тушинмади. "Демак мендан кура Журабековга купрок ишонаркан-да?! Мавлонни нима килмокчи?" Уни шу саволлар кийнарди...


* * *
Мавлон Каттанинг хонасига йуналаркан, кулига кизил тусдаги иш папкасини олиб олди. Катта эса унга, Исмоил Журабеков билан бориб, Сирдарё вилоятидаги Гулистон тумани хокимини узгартириб келишлари кераклигини айтди. Мавлоннинг назарида Каттага хоким устидан МХХга маълумот тушган, карори катъий эди.

Ахмаджон тушга якин дахлиздан утаётиб, Мавлоннинг котибаси утирадиган булмачага муралади. У кайгадир чикиб кетганди, беихтиёр Мавлоннинг эшигини тортиб курди. Хона эшиги ташкаридан кулфланган, калит эса эшикнинг бурнида осилиб турарди. У "Бирга ишлагандан, ёрдамчи булгандан кейин бир-бирини хонасига кишлари мумкин-ку", деб уйлади. Журабеков ва Мавлон шошилинч равишда Сирдарёга жунаб кетишганини эшитгандаёк кунглида бир шумлик пайдо булганди, хонага кириб телефон дастасини шундок кутарса Катта олади, унга арзини айтса, узининг садокатини курсатса, хамма иш жойида... "Йук, у билан уйнашиб булмайди, аммо нимадир килиши керак". У хонасига келиб, МХХдаги ердошига кунгирок килди, улар бирга тушлик киладиган булишди.

Тушлик пайти Ахмаджон унга бор гапни айтиб берди. Мавлон уни "Астрабод"га сургун килмокчи эканлигини, узида у ерга боришга рагбат йуклигини суйлади. Ердоши уйланиб колди.

- Ха, вазият жиддий. Агар, бу ерда яна коладиган булсанг биронта жиддий важ курсатиш керак,-деди.

- Кандай важ курсатишим мумкин. Шу ерда юраверганим яхши эди. Жа-б, бошни котиряпти. Иккаламиз бирга борадиган ерларга узи бормокчи шекилли. Узиям аёлларга суяги йук... мукофот олган артискаларнинг барини куриб булди. Хам совгасини олади, хам узини...

- Сенда шунака фактлар купми?

- Борликка бор, аммо исботлаш кийин, унинг мени хайдашини билсам, овоз-повозларини ёзиб олиб, боплардим...

- Узи боплаш ниятинг борми? Бор булса, овоз, сурат, пленка тайин. Оксокол унинг оркасидан одам куймасликни тайинлаган булса-да, бизнинг бошлигимиз унинг уйига кимлар келиб-кетишини, каерда нима деганини аниклаб куйган. Анча-мунча гаплар бор. Агар сен оксоколга бир энлик килиб ариза ёзиб берсанг, бу ёгини биз боплаймиз.

- Нахотки?!

- Худди шундай! Шефингни иштони хул. Куп ахмокона гапларни гапириб куйган, кимлар билан булгани ёзилган пленкалар хам бор.

- Ишкилиб мени пленкага олмаганмисизлар?

- Кизикмисан? Сен хали бизнинг ташкилот учун важнуй одам эмассан.

- Булди, ундай булса, мен ёзаман. Кириб оксоколга айтаман. Бирок бу ёгига мени ёлгизлатиб...

- Что ту, ёлгизлатмаймиз. Балки унинг урнига узингни тавсия этармиз.

Ахмаджон тушликдан хурсанд булиб кайтди. Хаёлида у Мавлоннинг урнига ишга утган, хокимларни алмаштирган, ялло килиб гаштини сурадигандай эди. Утириб Мавлоннинг устидан айбнома-ариза ёза бошлади...

Аризани ёзиб булгандан кейин, Каттанинг кабулхонасига келди, Крайновга учраб, мухим иши борлигини, бир минутга булса-да, кабул килишларини сураб беришини айтди.

-Что ту, бу ерда ишлайдиганларнинг барини кабул килаверса, Каттанинг умри кабул билан утади. Нима масала эди, узи,- деб суради.

- Шахсий... - толмовсиради Ахмаджон.

- Шахсий булса шефинг билан хал килиб куя колмайсанми?

- Йуг-е, хал кила... олмайман...

- Мен хам сенга кабул сураб беролмайман. Мавлон келсин, биргалашиб уйлашиб курармиз.

Ахмаджон торвузи култигидан тушиб, кабулхонадан чикиб кетди. Кайфияти бузилди. Назарида Мавлон хозир келадиган, Крайнов унга, Ахмаджонни оксоколга кирмокчи булганини айтадигандай туюлди. Юраги хаприкиб, хонасида узок утирди. Ердошига бекор ваъда бериб куйганини, жимгина туман хокимлигига кетавериши мумкинлигини тахмин килди. Аммо Боходир ака (МХХ ходими) аллакачон Шефига ахборотни бериб булган чикар. Улар жа оператив-ку. Хе, оперативлигингдан ургилдим. У урнидан туриб яна Мавлоннинг хонаси томон йуналди. Агар узи келиб колса, "Уйлаб курдим, соглигимга тугри келмайди", деб айтишни кунглига тугиб куйди. Хона эшигида халиям калит осиглик турарди. Шарт очиб ичкарига кирди. Ховликиб, телефон дастагини кутарди. Кутаргандан, тугрироги трубканинг нарёгидан Ислом Каримовнинг овозини эшитгандан кейингина калтис ишга кул уриб куйганини тула хис килди, аммо оркага кайтишга йул йук эди.

- Ким у трубкани кутарган?! - тахдидли овоз янгради.

- Бу мен, Ислом Абдуганиевич! Мавлон Умрзоковнинг ёрдамчисиман. Кечиринг, жуда зарур, давлат ахамиятига эга бир гапим бор эди.

- Нима дейсан, Мавлоннинг хонасида нима килиб юрибсан?

- Ислом Абдуганиевич! Мени бир минутга кабул килинг, илтимос, жуда зарур гап. Давлат ахамиятига молик нарса.

- Бупти, кирсанг, киракол.

Кабулхонага борса, уни Крайнов билан бирга МХХнинг у билмайдиган ходими кутиб турарди. МХХ ходими чунтакларини текшириб, у ёк-бу ёгини силаб курди. Хеч нарса йуклигига амин булгач, Крайновга караб бош иргади.

Крайнов уни кабулхона эшигидан ичкарига йуллади.

Улкан хонада Каримовнинг бир узи утирар, ранглари упа суртгандай окариб кетган, хар эхтимолга кура булса керак, олд тортмаси (у ерда шахсий туппончаси турарди) очик эди.

- Ха, нима гап. Нима килиб довдираб юрибсан, бировнинг хонасида, - ковогини уйди, Ислом Абдуганиевич.

- Ислом ака! Бир кошик конимдан утингиз! Телефон трубкасини кутарганим учун узр сурайман. Аммо Мавлон ака. Мавлон Умрзоковнинг кирдикорлари...

- Нима демокчисан? - "Нахотки, Мавлон хакидаги гаплар саройда таркаб улгурган булса, битта мен эмас хамма унинг президент буламан, деб юрганини билган булса?! Бу кандай бедодликки, узи кутарган одамлар узининг тагига сув куяди!"

- Ислом Абдуганиевич, мана, унинг кирдикорларини ёзиб келдим. Булар у килган номакбул ишларнинг бир кисми халос.

Каримов унинг кулидан кагозни олиб укий бошлади... Чукур ух тортиб, унга каттик тикилди.

Ахмад Отажон кузини олиб кочмади.

- Сен узинг тозамисан? - бу овозда тахдид хам, гумон хам унинг хатти-харакатларини маъкуллаш хам бор эди.

- Тозаман, Ислом ака!

- Текширтириб курамиз, агар шу ёзганларинг рост булса... Аммо узинг тоза булмасанг, сенинг хам кетингга калампир киради, тушундингми?

- Тушундим Ислом ака!

- Бор, боравер. Аммо бу хакда - у когозни курсатди, - бирон одамга огиз очсанг кетингга...

- Хуп, Ислом Абдуганиевич! Бировга огиз очмайман.

Ахмад Отажон хонадан чикдию, ичига олов кирди. Каридорда, сунг хонасида у ёкдан бу ёкка, бу ёкдан у ёкка юра бошлади... Кейин буфетга кириб сув ичди. Аммо ичидаги олов пасаймади.

Уйидагиларга шошлинч хат ёзди: "Хайдалмай турган ГАЗ-31ни акамларга олиб бориб куйинглар. Янги курилган уйни амакимнинг номига расмийлаштиринглар..." Хатда шу хилдаги жумлалар бор эди. Хатни ишончли одам билан уйига бериб юборди.

Куп кутмай уз хонасига келиб, газетага караб утираверди. Кузи газетада булса-да, хеч нарсани курмас хам, эшитмас хам эди. Орада МХХдаги таниши кунгирок килиб колди. "Ха, тинчликми? Уйдагилар яхшими?", деб суради. "Яхши" деган сузни эшитгач, индамай трубкани куйиб куйди. Бу уларнинг пороли эди...


* * *
Мавлон билан Журабеков хар гал "салб юриши" килиб хоким алмаштиришга борса, у ерда сув хам ичмай марказга кайтишарди. Бу гал нимагадир Исмоил ака унга шу ерда чой-пой ичиб олайлик, деган таклифни айтди. Хокимнинг биринчи муовини дархол "чой" уюштирди. Бу утириш гарчи чой ичиш, деб аталса-да, столда одамнинг жонидан бошка хамма нарса бор эди. Мирикиб овкатланишди, орада Исмоил ака кайгадир чикиб келди. Келиб, француз конягидан куйиб хеч кимга индамай узи ичиб олди. Мавлон хайрон булди...

- Оксокол кетмаймизми? - деди, хайронлигини яшириш учун атай гап кушиб.

- Кетамиз, бир оз утирайлик, нима, ёмон утирибмизми?! - мийигида кулди, Журабеков.

- Йуге, энди Катта сураб коладими, деяпман-да.

- Сураса-сурар, биз хам одамга ухшаб овкат-повкат ейлик...

Мавлон бошка гап кушмади. Биринчи муовин пилдираб хизмат килиб юрарди. Улар то машинага утириб жунагунларигача хам муовиннинг кули куксидан бушамади. Исмоил ака Сирдарё купригидан утганларидан кейин ишхонасига кунгирок килиб Халклар Дустлиги саройи рупарасида узларини кутиб олишлари кераклигини кимгадир тайинлади. Мавлон хайрон булди-ю, аммо сир бой бермади.

Улар Тошкентга тушдан кейин кириб боришди. Исмоил ака, майли булмаса, дедию, белгиланган жойда машинасига утиб жунаворди. Уларни олиб келаётган ДАНчилар бир пас тухтаб туришди...

Хонага етиб келгандан кейин Мавлоннинг ажабланиши кучайди. Каттага кириб отчет берсаммикан, деб уйлади. Аммо хар гал Исмоил ака иккаласи отчет беришарди. Кунгирок килиб, "Акахон, Каттага кириб чикайлик", деб илтимос килди. Аммо Журабеков мажлиси борлигини бахона килиб ишни кейинга сурди. Мавлон Ахмаджонни излади, у эса нимагадир йук эди... У кимга дардини айтишни билмай, Журабековнинг идорасига узи борди, борса, хеч кандай мажлис йук, Исмоил ака бафуржа чой ичиб утирарди. Унга совуккина муносабатда булиб, боши огриётганини, кук чой ичмаса кон босими ошиб кетаётганини, Каттага эртага бирга киришлари лозимлигини, хозир у хам уйга кетавергани маъкуллигини айтди. Мавлон аввало хайрон булди, сунг рози булиб, уйига кетди.

Эрталаб эса унга идора йулагидаёк узини Сирдарё вилояти хокимлиги ихтиёрига жунатилганлиги хакидаги йурикномани тутказишди. Когозга Ислом Каримовнинг узи имзо чеккан эди. Мавлон торвузи култигидан тушиб, бир пас утириб колди. "Нима булди экан, нега бундай буляпти?" - у уйлаб уйига етолмасди...

Эртасига шахсий машинасини миниб Сирдарё томон отланди. У ерда сир бой бермай, вилоят хокимига йуликди. Кечагина атрофида гирдикапалак булган хоким бугун уни танимагандай совук карши олди ва вилоятда унга мос иш йуклигини суз орасида кистириб утди. Мавлон бутунлай адо булди. Чика солиб машинасига утирдию, каттик газ бериб, Зомин томонга от солди. У шу кетишида бирон жойда тухтамай, кишлогига етиб олди. Ун кунча хеч кимга куринмай, арок ичиб, сигарет чекиб ётди. Уйдагиларга узининг келганини хеч кимга билдирмасликларини, факатгина хотинига кунгирок килиб куйишларини утинди. Жумхуриятда иккинчи уринда тургувчи одам ун кунда адойи тамом булганди.

Зоминдаги уйида канча ётгани билан хотини, болаларидан бошка уни йукловчи булмади. Сунг таваккал килиб, болаларини хам олдию, Тошкентга равона булди. Бу ерга келиб биринчи эшитган гапи Эврилбекнинг камалгани булди. Шундан кейингина у узининг ишдан кетиши билан Эврилбекнинг камалиши уртасида кандайдир алокадорлик борлигини хис этди. Тошкентдаги уйида хам ун кунлар ётгандан кейин уша пайтда "Иктисод" журналида мухаррир булиб ишлаётган Исмат Хушов хол сураб келди. Унинг келганидан Мавлон дастлаб хайрон булди, аммо бир-икки рюмка уриштиришгач, сал узига келди.Аммо Исматдан хеч нарса сурамади, узи хам мухаррирга хеч нарса демади. "Дам олиб ётибмиз"дан нарига утмади. Сунг бир оз кизишиб олишгач, узини хам йуклаб келадиганлар бор эканлигидан хурсандлигини билдирди. Улар алламахалгача бирга утиришди, утган-кетганни эслаган булишди, роса хангома килишди. Исмат уларнинг уйига кун ора кела бошлади.

Бир келганида арокнинг таъсирида булган Мавлон Исматга, "Сизнинг машинангизда бир айланиб келмаймизми?" деб таклиф килди. Исмат хам довдиргина эмасми, рози булиб журналнинг хизмат машинасига чикишди. Мавлон МХХ узини кузатаётган ёки кузатмаётганини билгиси келганди. Шафернинг "Каёкка юрай?" деган саволига беихтиёр, "аэропортга", деб жавоб берди. Улар аэропорт йулига чикканлариданок Мавлон оркаларида кузатувчи машина борлигини сезди, аэропортга етар-етмас, машинани оркага хайдашни илтимос килди...

Эртасигаёк Мавлон хам, Исмат хам камалибди, деган овоза таркалди. Куп утмай, Ахмад Отажоннни хам камашди. Тез орада суд булди, Исмат, "Мен Мавлонннинг ниятларини билиб, Каттага ёзиб бермокчи эдим", деб кутилди. Мавлон ва Эврилбек 4 йилга, Ахмад Отажон уч йилга камалишди.




(Давоми бор)