Журнал Ҳаракат №5 (32) 2001. А д а б и ё т
Шоир Ёдгор Обид ижодидан
Узбекистон хибсхоналарида нохак жабр чекиб ётган
ёзувчи Мамадали Махмуд (Эврил Турон) ва бошка
эрксевар дустларим такдирини уйлаб битилган шеър

Куз унгимда - занжирбанд хаёл,
Куз унгимда - титраётган жон...
Мажрух вужуд - ингрок бир савол,
Мажрух умид - энг сунгги имкон.



Сагир туйгу. Уйлар хам сагир...
Бунча тахир бугиздаги кон.
Насиб экан. Шу экан такдир...
Такдир булиб кололган имон.



Ватан, менман уртанган вужуд,
Осмонингда туйгулар сарсон.
Орзулар хам тентир бехудуд,
Утга уриб узин беомон...



Хаёлимда бир култум нафас,
Бир култум эрк сен учун бу он...
Нахот сен уз-узингга кафас,
Мен - узингман. Мен ахир - Турон!





ЮРТБОШИМИЗ ОМОН БУЛСИН!

Чойхонада уч навкирон
Гурунглашар отиб хандон,
- Олинг-олинг, кани-кани...
Юртбошимиз булсин омон!



Бири ундок бири мундок,
Учисин хам кайфи тарок,
Дер: «Уртада ошли табок -
Юртбошимиз булсин омон!»



Бири дейди тортиб чилим:
«Гар айтмасам куяр тилим,
У бор экан - тоза иклим...
Юртбошимиз булсин омон!»



Яна бирин кули бигиз,
Дейди: «Йукдир хабарингиз.
Сигиримиз тугди эгиз -
Юртбошимиз булсин омон!»



Ундан колмок нияти йук,
Бошка бирин кузлари лук,
Суз бошлайди ургандай дук:
- Юртбошимиз булсин омон!



Кузи ёриб доруламон
Бизнинг хотин айни замон
Тугиб берди учта углон...
Юртбошимиз булсин омон!»



Бу гапларни тинглаб пеш-пеш
Узок юртдан келган дарвеш
Дейди: «Балли, кетвордим «беш»...
Юртбошингиз булсин омон!»



Иклимгаку, майли, чидай,
Гохи ундай, гохи бундай,
Булаколсин сиз айтгандай...
Юртбошингиз булсин омон!



Гар бу гаплар эмас мубхам -
Хотининг хам, сигиринг хам
Бугоз килган уша одам...
Юртбошингиз булсин омон!



Шундай кетса иш хармахал
Келиб колар сизга хам гал...
Масалангиз булгунча хал -
Юртбошингиз булсин омон!





* * *

Хает бизга синов булди, огир булди,
Орзулар хам куз очмасдан сагир булди.
Бугзимизда гаргара суз кон коришик...
Маккор ганим маккорликда мохир булди.



Долга-долга долгаланди догли хаел,
Догли хаел булди ширин жонга завол,
Завол топган жонлар узи жонли савол:
-Юртга келган бало кандай содир булди...



Тиг тортилди мултиллаган кузларга хам,
Соф туйгулар шаклидаги сузларга хам,
Етим хакки, насиба, ризк-рузларга хам...
Чанг солганлар кимликлари зохир булди.



Кимлар келиб, кимлар кетди бу майдонга,
Нодон булдик биз ишониб нодонларга,
Нодон эмас, одам тусли шайтонларга...
Ман деганлар иблисларга шотир булди.



Бало экан узимиздан чиккан бало,
Бутун юртнинг хасратидан титрар само,
Огиз очиб килолмаймиз хатто дуо...
Замон охир булмай бизга охир булди.



Титрамагай дуне канча килсак фаред,
Куз ешига гул кукармас, эрмас нажот,
Дардим десак дардлар кундан кунга зиед...
Нахотки юрт факат шунга кодир булди.



Кайда нажот, кайда имкон, кайда панох,
Узинг кулла, узинг йулла кодир Оллох,
Эл шахдидан шум ганимни айлай огох-
-Эр йигитлар эзгин эмас, ботир булди.



Иншоолох, тикланажак эгилган кад,
Хамдард диллар бир-бирига булиб мадад
Эркин-эмин нафас олиб дерлар:- факат
Утган кунлар емон тушдай хотир булди.