23 October 2011
06:22 - Ҳиллари Клинтон келиб кетди, Ҳамид Карзай алжиради
Аввалги хабарлардан маълумки, АҚШ Давлат Котиби Ҳиллари Клинтон Тожикистон ва Ўзбекистонга келишдан аввал Афғонистонда бўлди. Табиий, унинг бу ердаги ҳамма учрашувларида, хусусан, Президент Ҳамид Карзай билан учрашувида Ғарбнинг террорга қарши Афғонистонда олиб бораётган уруши атрофидаги масалалар муҳокама қилинди. Ғарбнинг кучи билан ҳокимиятга келган ва шу куч билан ҳокомиятда турган Ҳамид Карзайни баъзилар Ғарбнинг қўғрчоғи ҳам дейишлари маълум.

Кеча бу “қўғирчоқ” президент Покистон телеканалларнинг бирига интервью бериб, агар Покистон билан бошқа бир мамлакат, жумладан, АҚШ ўртасида ҳарбий конфликт чиқса, биз Покистон тарафда бўламиз, афғон ва покистонликлар ака-укадир деган маънода бир қатор гаплар айтибди. Бу ҳақда АҚШдаги CBSNews телеканали хабар беради.

АҚШ-Покистон ўртасида ҳарбий конфликт чиқишининг эҳтимоллиги йўқ даражада оз бўлишига ва Карзайнинг сўзлари шунчаки айтилганига қарамасдан, уларни сиёсий арбобга мос келмайдиган алжираш деб баҳолаш тўғри бўларди, дейди мухбиримиз.

Ёки у Ҳиллари Клинтон билан жиддий масалаларда келишолмай қолдими?
« Олдинги хабар Хабарлар рўйхати Кейинги хабар »