10 February 2011
04:35 - Ислом Карим бечора Япония Императорини ҳам касал қилибди
Бугун Ислом Карим ва унинг турмуш ўртоғи шарафига қабул маросими берган Япония Императори Акихитонинг Ўзбекистон диктатори билан учрашгандан кейин мазаси қочиб қолибди. У келаётган жума куни Токиодаги касалхоналардан бирида текширувдан ўтказилади.

Бечора Императорни тушуниш мумкин, дейди мухбиримиз. Ўзи рамзий диктатор бўлса ҳам, 21 асрда Ислом Карим каби ҳақиқий диктаторларнинг борлигидан қаттиқ таъсирланганга ўхшайди.

Бунинг устига, Россия Японияга Ислом Каримни юбориш камлик қилгандек, ҳозир Францияда махсус руслар учун қурилаётган “Мистраль” номли вертолёт ташувчи кемалардан иккитасини ўз ҳарбий кучларининг Тинч океани флотига юбориш ҳақидаги қарорини айнан бугун эълон қилди.

Буларни тасодифий дейиш соддалик бўларди. Тан олиш керакки, Ислом Карим русларнинг оддий бир қуролига айланган. Бу қурол шу пайтгача асосан ўзбекларга ва умуман Турк дунёсига қарши ишлатиб келинарди. Энди ундан халқаро соҳада ҳам фойдаланишмоқчи.
« Олдинги хабар Хабарлар рўйхати Кейинги хабар »