22 January 2011
03:04 - Ўзбекистон давлат сифатида банкрот бўлаётганини кўрсатувчи кичкинагина мисол
Бироз аввалги хабарларимиздан бирида бугун Ўзбекистон Вазирлар маҳкамасининг йиллик ҳисобот мажлиси бўлгани, унда Ислом Карим маъруза қилганини билдириб, давлатнинг расмий хабар агантлиги бўлмиш ЎзАнинг расмий хабарида бу муҳим йиғилишда Ислом Каримдан бошқа қатнашган биронта одамнинг исми келтирилмагани, мажлис ростдан ҳам бўлганини исботлайдиган биронта расм ҳам йўқлиги устидан кулган эдик.

Бироздан кейин ЎзА тарқатган хабарга Ислом Каримнинг қандайдир минбарда турганини кўрсатувчи, кўраётганингиз расм қўшиб қўйилди. Бу расм ўша йиғилишга оид эканлигини ҳам билиб бўлмайди. Давлатнинг расмий хабар агентлиги ҳукуматнинг йиллик мажлиси атрофида қилаётган бундай масхарабозлиги фақат агентликнинг эмас, бутун давлатнинг банкрот ҳолга келганини кўрсатади.
« Олдинги хабар Хабарлар рўйхати Кейинги хабар »