23 July 2008
04:00 - Сирдарёлик “Бирлик”чиларнинг конференцияси ўтди
Бугун Гулистон шаҳрида “Бирлик” Партияси Сирдарё вилоят ташкилотининг навбатдаги конференцияси ўтди. Вилоятнинг турли туманларидан 14 нафар партия фаоли иштирок этган мажлиснинг кун тартибига биноан мамлакатдаги ижтимоий-сиёсий вазиятни таҳлил этиш, вилоят ташкилоти раҳбарининг фаолиятига баҳо бериш ҳамда партиянинг навбатдаги Қурултойига тайёргарлик ва унга делегатлар сайлаш масалалари кўриб чиқилди.

Кун тартибидаги илк масала юзасидан партия Сирдарё вилоят ташктлоти Кенгашининг раиси Исроил Ризонинг ҳисоботи тингланди ва у қониқарли деб топилди. Очиқ овоз бериш йўли билан Исроил Ризо лавозимига қайта сайланди.

Партия вилоят Кенгашининг аъзоси, ҳуқуқ ҳимоячиси Карим Бозорбой йиғилганларнинг эътиборини бу кундаги коррупция ва уюшган жиноятчилик, сиёсий таранг вазият ҳамда истиқболдаги реал хавфларга қаратди. Хусусан, партия вилоят ташкилотининг фаолиятини танқидий-таҳлилий баҳолаган ҳуқуқ ҳимоячиси, ҳозирги даврда вилоят ташкилоти яна ҳам фаоллашиши лозимлигини урғулади. Эслатиб ўтиш керак, “Эзгулик” жамияти Сирдарё вилоят бўлими раисининг ўринбосари Карим Бозорбой ўтган йили вилоятдаги туман судларидан бирида сахта айблов асосида 3,5 йилга озодликдан маҳрум қилинган ва шу йил 4 январда унинг апелляциясини кўрган вилот суди томонидан озод қилинган эди.

Конференция қатнашчилари иштирокида Ўзбекистондаги сиёсий-иқтисодий аҳвол ва бу вазиятда мухолифатнинг роли ҳақида қизғин баҳс-мунозаралар бўлди.

Партиянинг навбатдаги Қурултойига тегишли тартибда делагатлар сайланди.

Суратда Исроил Ризо.
Cсылки по теме:
« Олдинги хабар Хабарлар рўйхати Кейинги хабар »