07 June 2010
19:34 - Ўзбекистон фуқароси Россияда полиомелитдан ўлганлиги тахмин қилинмоқда
Екатеринбург (собиқ Свердловск) вилоят соғлиқни сақлаш вазирининг ўринбосарига асосланиб “Интерфакс” агентлигининг хабар беришича, ўтган ҳафтанинг охирида шу вилоятда Ўзбекистон фуқароси полиомиелитдан ўлган. Ҳали диагноз тўла тасдиқланмаган, ҳамма материаллар Москвага юборилган.

Шу кунларда 19 ёшли Тожикистон фуқароси шу касаллик туфайли шифохонага ётқизилган экан.

Хабарда айтилишича, Екатеринбург аҳолиси аллақачон ёппасига полиомиелитга қарши эмланган, шу сабабли касаллик ерли аҳоли ичида тарқалиши мумкин эмас. Аммо, меҳнат муҳожирлари ҳеч нарсадан ҳимояланмаган. На тиббий, на ижтимоий, на ҳуқуқий соҳада.

Россияда ишлашга келган ўзбекларнинг аҳволидан келиб чиққан “Бирлик” Партияси икки йил аввал Ўзбекистон президенти Ислом Каримга мурожаат қилиб, Ўзбекистонда чет элдаги ватандошларимизнинг муаммолари билан шуғулланадиган вазирлик тузишни таклиф қилган эди. Агар шундай қилинса эди, Екатеринбургада бўлган каби кўп фожевий воқеаларнинг олди олинган бўларди.

Ҳозир аниқ айтиш мумкинки, чет элларда ўзбекларнинг бошига тушаётган кулфатларнинг кўчилигига тўғридан-тўғри Ўзбекистон ҳукумати ва президенти жавобгар.
« Олдинги хабар Хабарлар рўйхати Кейинги хабар »