01 May 2010
12:45 - Австралиядан юртига қайтган андижонлик қочқин 10 йилга озодликдан маҳрум қилинди
2005 йил 13 майдаги Андижон қатлиомидан сўнг мамлакатни тарк этиб, кейин қайтиб келган Дилором Абдуқодирова устидан 22 апрелда Андижон вилоят судида иш бошлангани аввал хабар қилгандик. Кеча суд ўз ҳукмини эълон қилди. Унга кўра, Дилором Абдуқодирова 10 йилу 2 ойга озодликдан маҳрум қилинган.

Унга мамлакат чегарасини ноқонуний кесиб ўтиш, конституциявий тузумга тажовуз қилиш ҳамда норасмий диний оқимга аъзо бўлиш каби айблар қўйилган эди. Суд мажлисларига журналистлар ва ҳуқуқ ҳимоячилари киритилмагани сабабли, унинг тафсилотлари маълум эмас. Дилором Абдуқодированинг яқинлари берган маълумотларда ҳам аниқлик йўқ. У жазони умумий колонияда ўтказиши айтилмоқда, холос.

Аммо, ҳамма тушунадики, аслида суд эмас, мавжуд режим тарафидан чиқарилган бу ҳукм юрт ташқарисидаги бошқа Андижон қочқинларига Ўзбекистонга қайтмаcлик ҳақида берилган огоҳлантиришдир.
« Олдинги хабар Хабарлар рўйхати Кейинги хабар »