18 December 2009
01:25 - “Quest net” виртуал бизнес тармоғи етакчилари устидан тергов битди, навбат судга келди
Виртуал бизнес билан шуғулланувчи дунёга таниқли мазкур компаниянинг Ўзбекистон бўлими фаолиятига нуқта қўйилгани, компания маъмурияти устидан жиноят иши қўзғатилгани хусусида аввалги хабарларимизда маълум қилгандик. Шунингдек, хабаримизда компания етакчилари Эрон фуқароси Табари Фард ва тожикистонлик Ҳ. Тўйчиевларнинг Ўзбекистондан қочишга улгургани хусусида айтгандик.

Ўзбекистон Республикаси Бош прокуратураси Солиқ, валюта ва ноқонуний даромадларни легаллаштиришга қарши кураш бошқармаси тарқатган хабарга кўра, ҳозирда компаниянинг жами 30 нафар раҳбар ходими устидан Ўзбекистон Репсубликаси ЖКнинг 16 та моддаси билан 1500 бетдан иборат айблов хулосаси тайёр бўлган. Ўзбекларнинг 30 миллион АҚШ долларидан кўпроқ нақд пулини ўзида жамлаган компания раҳбарлари устидан яқин орада Ўзбекистон Олий судида мазкур шахслар устидан маҳкама жараёнлари бошланади. Айбланувчилар орасида жамоатчиликка таниқли шахслар, журналистлар, санъаткорлар ҳам бор.

Эслатиб ўтамиз, мазкур виртуал бизнес хорижда тараққий этган. Кишилар пирамида тартибида пул маблағлари тўплайди ва бизнесга ким кўп кишини торта олса, улардан олинадиган фоизларнинг ҳисобига у бойиб боради. Бутун дунёда қонунийлаштирилган мазкур бизнес тури Ўзбекистон Адлия вазирлиги томонидан ҳам рўйхатга олинган экан.
« Олдинги хабар Хабарлар рўйхати Кейинги хабар »