12 January 2022
21:32 - 2022 йилда 3 минг 600 МВт.лик “яшил” энергия станцияларини қуриш бўйича битимлар имзоланармиш. Шунга ишонадиганлар борми?
2022 йилда Бухоро, Наманган, Хоразм, Қашқадарё, Фарғона ва бошқа вилоятларда умумий қуввати 1 минг 900 МВт бўлган 8 та қуёш фотоэлектр станцияси ҳамда Қорақалпоғистонда 1 минг 700 МВт.лик шамол электр станциясини қуриш бўйича лойиҳа битимлари имзоланиши режалаштирилганмиш. Нимамиш, бу ҳақда ҳақда Энергетика Вазирлиги Ахборот Хизмати баёнот берибди.

Эслатиб ўтамиз, қайта тикланувчи энергия манбаларидан фойдаланган ҳолда электр энергияси ишлаб чиқарувчи станцияларни қуриш борасида амалий ишлар амалга оширилмоқдалигини ҳамма билади.

2021 йил август ойида Навоий Вилоятининг Кармана Туманида республикада биринчи бўлиб 100 МВт қувватли қуёш фотоэлектр станцияси ишга туширилгани ҳам ҳаммага эълон қилинганди.

Бундан ташқари, 2023 йилда Самарқанд, Жиззах, Навоий ва Сурхондарё вилоятларида умумий қуввати 1 минг 097 МВт бўлган 4 та қуёш фотоэлектр станцияси ва Қорақалпоғистон Республикаси, Бухоро (Ғиждувон ва Пешку) ҳамда Навоий вилоятларида умумий қуввати 1 минг 600 МВт бўлган 4 шамол электр станциялари “яшил” энергия ишлаб чиқаришни бошлаши устида ўйланмоқдамиш.

Мана шу содда гапларга ишонадиганлар борми, эй қадрли ўқувчиларимиз? У ҳолда бу ҳақда ўз фикрингизни билдиринг ва КЕРАКЛИ нарсалар олинг!!!
« Олдинги хабар Хабарлар рўйхати Кейинги хабар »