04 January 2022
18:08 - Ўзбекистонга БМТ тузилмаларининг инсонпарварлик ёрдами жалб қилинармиш, демак, БМТнинг бизга ёрдами давом этаверармиш! “Ҳаракат” нима дейди?
Ўзбекистон БМТ ва унинг ихтисослашган муассасалари билан маданий-гуманитар ҳамкорликни жадаллаштириш масаласи кун тартибидадир. Бу нарса 2022–2026 йилларга мўлжалланган тараққиёт стратегиясини 2022 йилда амалга ошириш бўйича “Йўл Харитаси” лойиҳасида аниқланган экан.

Хусусан, БМТ ва унинг тузилмалари билан ҳамкорликда республикада йирик халқаро маданий форумларни ўтказиш режалаштирилмоқда. БМТ тузилмаларининг инсонпарварлик ёрдамини республикага жалб қилиш ҳам назарда тутилган.

Шунингдек, БМТ ва унинг ихтисослашган муассасалари доирасида ўтказиладиган сиёсий-дипломатик ва тарғибот-ташвиқот тадбирлари миқёси кенгайтирилади.

Бизда рўй бераётган жараёнлар ҳақида пресс-релизлар БМТ доирасида кенг тарқатилиши назарда тутилган. Бизда ўтказилаётган йирик халқаро тадбирлар ҳақидаги маълумотлар БМТ Бош Ассамблеясининг расмий ҳужжати сифатида чоп эттирилиши ва тарқатилалиши ҳам назарда тутилганмиш.

БМТ тузилмалари доирасида интервьюлар ташкил қилиш, Ўзбекистон ҳақидаги тегишли мақолаларни тайёрлаб хорижий ва маҳаллий ОАВда чоп эттириш, БМТ тузилмалари билан ўзаро ҳамкорликда анжуманлар, брифинглар, сайд-ивентлар, роуд-шоулар ва “давра суҳбатлари”ни ташкил этиш ҳам кўзда тутилганлиги ҳам хабарларда алоҳида урғуланмоқда.

Бу нарсалар “Ҳаракат” тўла ҲАҚ ЭКАНЛИГИНИ кўрсатмоқда! Айнан биз биринчи бўлиб, бундай воқеаларга КАТТА ЭЪТИБОР берилиши кераклигини ёзиб келмоқдамиз ва бу ишни давом эттираверамиз!!!
« Олдинги хабар Хабарлар рўйхати Кейинги хабар »