Ахборот Технологиялари ва Коммуникацияларини Ривожлантириш Вазирлиги ҳузуридаги Электрон Ҳукумат Лойиҳаларини Бошқариш Марказига Aзиз Муҳиддинов деган инсон директор этиб тайинлангани бугун хабар қилинди.

Азиз Муҳиддинов 1985 йил Тошкент шаҳрида таваллуд топган, маълумоти олий, Бонч-Бруевич номидаги Санкт-Петербург Давлат Телекоммуникация Технологиялари Университетини тамомлабди.

У ўз фаолиятини 2008 - 2012 йилларда “Ўзбектелеком” AКда мутахассис ва бўлим бошлиғи лавозимидан бошлаган. 2012 - 2017 йилларда Aхборот Технологиялари ва Коммуникацияларини Ривожлантириш Вазирлигида бўлим бошлиғи ва бошқарма бошлиғи лавозимида ишлаган.

2017-2018 йилларда “UZINFOCOM” ДУК директорининг биринчи ўринбосари, директор вазифасини бажарувчи лавозимларида фаолият юритган.

Aзиз Муҳиддинов 2018 йилдан шу кунга қадар “UNICON.UZ” ДУК директорининг биринчи ўринбосари лавозимида ишлаб келаётган экан.

Мана кўраверинг, дейишмоқда “Ҳаракат” мухбирлари, Ўзбекистонимизда ишлар қандай кетмоқда? Бир болакай яқиндагина Санкт-Петербург Давлат Телекоммуникация Технологиялари Университетини тамомлаб, мана бир пасда қандай даражага юксалибди? Бу ҳеч қандай қолипларга тўғри келмайди!

Шавкат Мирзиё жаноблари, бундай нарсаларга йўл қўйиб бўлмайди! Бу инсонни ўта тезлик билан пастроқ даражага тушириш керак, акс ҳолда, ҳамма нарса эскиси каби бўлаверади, СССР каби фақат орқага кетаверамиз?