29 December 2021
17:46 - Ўзбекистоннинг янги хўжайини Шавкат Мирзиё Мустақил Давлатлар Ҳамдўстлиги норасмий саммитида иштирок этиб келгани ҳақида
Ўзбекистон Президенти Шавкат Мирзиё 28 декабрь куни Россия Президенти Владимир Путин ташаббуси билан Санкт-Петербург шаҳрида ўтказилган Мустақил Давлатлар Ҳамдўстлигига аъзо давлатлар раҳбарларининг норасмий учрашувида иштирок этиб келибди.

Бу норасмий саммитда Беларусь Президенти Александр Лукашенко, Озарбайжон Президенти Илҳом Алиев, Тожикистон Президенти Имомали Раҳмон, Туркманистон Президенти Гурбангули Бердимуҳамедов, Қирғизистон Президенти Садир Жапаров, Қозоғистон Президенти Қасим-Жомарт Тоқаев, Қозоғистоннинг Биринчи Президенти – Элбоши Нурсултон Назарбоев, Арманистон Бош вазири Никол Пашинян ҳам иштирок этди.

Лекин, расмда Қозоғистоннинг биринчи Президенти Элбоши Нурсултон Назарбой йўқ.

Учрашувда жорий йилги ҳамкорлик якунлари сарҳисоб қилиниб, келгуси 2022 йилга мўлжалланган устувор вазифалар муҳокама қилинибди. Минтақавий ва халқаро аҳамиятга молик долзарб масалалар юзасидан фикр алмашилибди.

Шу билан Шавкат Мирзиёнинг Санкт-Петербург шаҳрига амалий ташрифи якунланиб, у шахс Тошкентга қайтиб келибди.
« Олдинги хабар Хабарлар рўйхати Кейинги хабар »