10 October 2021
18:17 - Юсуф Жума: ХУДО АҚШ ФУҚАРОСИ!
Энг катта жиноят!

Гарчи айбим камдир, эгам -
БируБорга юкинаман.
Ёқтирмаслар мени нега -
Бир озгина тушунаман.

Биалогик қурол - ҳаво,
Суву ёғду, ўкинаман.
Қиморхона - ёвуз дунё,
Бир озгина тушунаман.

Энг даҳшатли вирус - фойда -
Очкўзликдир, сўкинаман.
Нечун таъқиб - борсам қайга,
Бир озгина тушунаман.

Инсоният - тушунмаслар,
Мен-чи, Тангрига энаман.
Мени тинчитмай тинмаслар,
Бир озгина тушунаман.

Биалогик қурол - тузум,
Шу тузумнинг тутқуниман.
Бир озгина очиқ кўзим -
Бир озгина тушунаман!

2021 йил, 5 октябрь.

* * * * *

Худо АҚШда тўғилган,
Худо - АҚШ фуқароси.
Топинади инсоният,
Талпинади бор подшоси.

Ҳар бир кўнгилда султондир,
Қироллар ҳам қароллари.
Тангрим, сени танимаслар,
Худо - АҚШнинг доллери.

2021 йил, 5 октябрь.
« Олдинги хабар Хабарлар рўйхати Кейинги хабар »