21 September 2021
17:19 - Глобал Инновацион Индекс рейтингида Ўзбекистонимиз 86-ўринни эгаллабди
Шу кунларда, тўғрироғи, 20 сентябрь куни АҚШнинг Корнел Университети, Франциянинг Insead Бизнес Мактаби ва Бутунжаҳон Интеллектуал Мулк Ташкилоти Глобал Инновацион Индекс Рейтингини эълон қилибди.

Инновацион Ривожланиш Вазирлигига кўра, Ўзбекистон Глобал Инновацион Индекс Рейтингида 132 давлат орасида 86-ўринни эгаллабди. Бундан аввал мамлакат рейтингда 2020 йил 93-ўрин ва 2015 йилда 122 ўринларда эди.

Рейтингга кўра, Ўзбекистоннинг дунё миқёсида кучли индикаторлари қуйидагилар:

- “Илм-фан ва муҳандислик соҳасида битирувчилар сони” - 7-ўрин,
- “Бизнесни йўлга қўйишнинг соддалиги” - 8-ўрин,
- “Меҳнат унумдорлиги” - 8-ўрин,
- “Капитални ялпи тарзда тўплаш” - 7-ўрин,
- “Таълим учун давлат харажатлари” - 28-ўрин.

Глобал Инновацион Индекс рейтингида қуйидаги давлатлар борлиги ҳам айтилмоқда:

- Швейцария 1-ўрин,
- Хитой 12-ўрин,
- Россия 45-ўрин,
- Қозоғистон 79-ўрин,
- Қирғизистон 98-ўрин,
- Тожикистон 103-ўринни

эгаллаганмиш. Ишониш қийин, аммо бу дунёда ҳамма нарса бўлиши мумкин.
« Олдинги хабар Хабарлар рўйхати Кейинги хабар »