Тошкент вақти - 
10 June 2021
23:16 -
Ўзбекистон ва Тожикистон Зарафшон дарёсида иккита ГЭС қуриш бўйича битимни имзолашди
Ўзбекистон ва Тожикистон Зарафшон дарёсида иккита ГЭС қуриш лойиҳаси бўйича қўшма акциядорлик жамияти ташкил этиш тўғрисида, қолаверса, ўзбек-тожик инвестиция компанияси ташкил этиш, саноат ва янги технологиялар соҳасида, тоғ-кон саноатида ҳамкорлик тўғрисида жами 35 та ҳужжат Душанбеда имзоланибди.Шавкат Мирзиё ва Тожикистон раҳбари Эмомали Раҳмон музокаралари якунлари бўйича икки томонлама битимларни имзолаш маросими бўлиб ўтган ва президент матбуот хизмати хабарига кўра, икки давлат етакчилари қўшма баёнот имзолашибди.
Давлат раҳбарлари ҳузурида ташриф доирасида имзоланган Ўзбекистон-Тожикистон инвестиция компанияси ташкил этиш тўғрисида, саноат ва янги технологиялар соҳасида, тоғ-кон саноатида ҳамкорлик тўғрисида, Зарафшон дарёсида 320 МВт қувватга эга бўлган иккита ГЭС қуриш лойиҳаси бўйича қўшма акциядорлик жамияти ташкил этиш тўғрисида, Юклар Транзити Тўғрисидаги битимлар алмашилибди.
Бундан ташқари, турли соҳаларда ҳамкорликни янада ривожлантириш бўйича “Йўл харитаси” алмашилибди.
ОАВ брифингда Шавкат Мирзиё ва Эмомали Раҳмон музокаралар ҳар доимгидек очиқ, ишончли ва дўстона руҳда ўтганини таъкидланганмиш.
“Биз муштарак тарих ва маданият, дин, маънавий қадриятлар ва анъаналар билан чамбарчас боғланган халқларимизнинг кўп асрлик дўстлигини жуда қадрлаймиз. Шу ерда ўтирган оммавий ахборот воситалари вакиллари ва делегациялар аъзолари кейинги бир неча йилда Ўзбекистон-Тожикистон муносабатлари тараққиётида рўй берган улкан ўзгаришлар гувоҳидир. Тожикистон билан яхши қўшничилик муносабатларини янада мустаҳкамлаш - Ўзбекистон ташқи сиёсатининг бош ва ўзгармас устувор йўналишидир. Биз кўп қиррали ҳамкорликни янада ривожлантиришнинг барча масалаларини диққат билан кўриб чиқдик. Шуни қайд этмоқчиман: ҳеч бир йўналиш эътибордан четда қолмади”, дебди Ўзбекистон раҳбари.
Хабарларда бошқа ҳеч нарса айтилмагани сабабли тахмин қилиш мумкинки, демак, ташриф эртага ҳам давом этади.
