18 May 2021
16:39 - Яқиндагина Тошкент шаҳар ҳокими ўринбосари этиб тайинланган Бахтиёр Раҳмонов вилоятдаги маҳалла раисини ургани ва ҳақоратлагани ҳақида
Тошкент Шаҳри Ҳокимининг Биринчи Ўринбосари Бахтиёр Раҳмонов Тошкент вилоятининг Оққўрғон туманидаги “Уста Нормат” маҳалла фуқаролар йиғини раиси Алишер Икромовни турли ножўя сўзлар билан ҳақоратлаб, унга нисбатан жисмоний куч ишлатгани, унга нисбатан Маҳалла ва Оилани Қўллаб-қувватлаш Вазирлиги бу хабар юзасидан ўрганиш олиб бориб, бу маълумотни тасдиқлагани айтилмоқда.

Маҳалла ва Оилани Қўллаб-қувватлаш Вазирлиги ахборот хизмати масъул ходимлари ҳамда Тошкент вилояти Маҳалла ва Оилани Қўллаб-қувватлаш Бошқармаси раҳбарияти воқеага аниқлик киритиш мақсадида Алишер Икромов билан боғланиб, ҳолат бўйича дастлабки маълумотларни олишган экан. Ўшанда бу хабар тўғрилиги, Бахтиёр Раҳмонов маҳалла раисини унинг хизмат вазифасига алоқадор бўлмаган бошқа масала бажарилмагани бўйича жазолагани маълум бўлибди.

Вазирликнинг хабарида айтилишича, Алишер Икромов жорийдаги йилнинг 9 май куни ўзини “Уста Нормат” маҳалласи Деҳқонобод кўчасида жойлашган, Баҳтиёр Раҳмоновнинг ота уйига чақиртирилибди. Ўша ерда ўзининг хизмат вазифасига алоқадор бўлмаган, умуман бошқа бир масаланинг бажарилмаганлиги бўйича БаҳтиёрРаҳмонов томонидан турли ножўя сўзлар билан ҳақоратланибди ва ҳатто ўзига нисбатан жисмоний куч ишлатилибди.

Ҳозир Маҳалла ва Оилани Қўллаб-қувватлаш Вазирлиги ишчи гуруҳ хулосаси асосида Алишер Икромовнинг, умуман, маҳалла тизимидаги барча ходимларнинг ҳуқуқий манфаатларини ҳимоя қилиш бўйича қонунчиликда белгиланган ҳамда ўз ваколати доирасидаги барча чораларни амалга ошириб боргани маълум қилинибди.

Маълумот учун, 2013 йил 22 апрелда янги таҳрирда қабул қилинган, “Фуқароларнинг ўзини ўзи бошқариш органлари тўғрисида”ги Ўзбекистон Республикасининг Қонунига кўра, фуқароларнинг ўзини ўзи бошқариш органлари фаолиятига давлат органларининг ва улар мансабдор шахсларининг аралашувига йўл қўйилмайди.

Демак, ҳозирги лавозимига шу йилнинг бошида ўтқазилган Бахтиёр Раҳмонов Ўзбекистон президентининг турли фармонларини бузгани ва вилоят раҳбарларидан бири бўлса ҳам, вилоятда ўзи билан бирга ишлаган бир расмий одамни, тўғрироғи, Алишер Икромовни қонунларни бузиб жазолаган.

Эслатиб ўтамиз, Бахтиёр Раҳмонов 2021 йил январида Тошкент вилояти ҳокимлигига ўтказилган Даврон Ҳидоятов ўрнига Тошкент шаҳри ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари лавозимига тайинланганди.

У муқаддам Тошкент шаҳри ҳокимининг капитал қурилиш масаласи бўйича биринчи ўринбосари бўлган, кейинроқ Миробод ва Сергели туманларида ҳоким лавозимларида ишлаган, 2018 йил майидан Олмазор туманига раҳбарлик қилган, шу йилнинг бошларида Тошкент Шаҳри Ҳокимининг Биринчи Ўринбосари этиб тайинланган эди.

Демак, бу одам жазоланиши керак ва жазоланади.
« Олдинги хабар Хабарлар рўйхати Кейинги хабар »