30 March 2021
22:42 - Масхарабозлик: 1917 йилгача бўлган тарихий архив ҳужжатлари махфийликдан чиқарилди, демоқдамиш “Ўзархив” Агентлиги. Хўш, “Ҳаракат” Агентлиги нима дейди?
1917 йилгача бўлган тарихий ҳужжатлар, хусусан, Туркистон Генерал Губернатори Концеляриясига тегишли ҳужжатлар махфийликдан чиқарилгани маълум қилинибди.

“Ўзархив” Агентлигининг Миллий Матбуот Марказида ташкил этилган матбуот анжуманида Агентлик директори Улуғбек Юсупов жорий йил ўтган даври мобайнида агентлик томонидан бажарилган ишлар ҳақида маълумот берди. Улуғбек Юсуповнинг таъкидлашича, тарихчиларни қийнаб келган муаммолардан бири Туркистон Генерал Губернаторининг 1917 йилгача бўлган архив материаллари махфий ҳужжатлар қаторидан чиқарилганидир.

“Давлат хавфсизлик хизмати билан ҳамкорликда 1917 йилгача бўлган тарихий архив ҳужжатларини махфийликдан чиқардик. Жами тўртта фонддаги бу ҳужжатлар узоқ йиллар тарихчиларни ўйлантириб келган эди. Масалан, Туркистон Генерал Губернатори Концеляриясига тегишли бўлган йиғма жилдлар махфийликдан чиқарилди.

Эндиликда тарихчилар архив ўқув залларига келиб мана шу ҳужжатлар билан танишишлари ва тадқиқотларида фойдаланишлари мумкин”, дебди “Ўзархив” раҳбари.

Ўзбекистон Миллий Архиви республикадаги ягона ва Марказий Осиёдаги энг йирик архивлардан бири бўлиб, Ўзбекистон Миллий Архиви бугунги кунда 3 мингдан ортиқ фондларда 1млн. 800 мингдан ортиқ сақлов бирлигида ҳужжатлар сақланмоқда экан.

Ҳамма гап шундаки, нима учун бу Агентликнинг мероси бўлган “Туркистон Генерал Губернатори Концеляриясига тегишли бўлган йиғма жилдлар махфийликдан чиқарилди”, деган савол туғилиши табиий-ку, дейди “Ҳаракат” Агентлиги мухбири? Демак, шу пайтгача ҳамма нарса сир тутилган ва Концеляриянинг анча-мунча ҳужжатлари ҳали ҳам маҳфийми? Қани, айнан шу саволларга жавоб қидирайлик, балки, жавоблар топилиб ҳам қолар?
« Олдинги хабар Хабарлар рўйхати Кейинги хабар »