26 March 2021
20:38 - Вазир ўринбосари Қурбон Турсун: Ўзбекистонда 66 фоиз иссиқлик тармоқлари таъмирталаб аҳволда. “Ҳаракат” нима дейди?
2020 йилда республикадаги иссиқлик таъминоти корхоналари 345,2 млрд сўм зарар кўргани 26 март куни АОКАда коммунал соҳадаги муаммоларни бартараф этиш мавзусида бўлиб ўтган матбуот анжуманида Уй-жой Коммунал Хизмат Кўрсатиш Вазири Ўринбосари Қурбон Турсун тарафидан маълум қилинибди.

2020 йилда Ўзбекистондаги иссиқлик таъминоти корхоналари 345,2 млрд сўм зарар кўрган бўлиб, бу зарарлар давлат бюджети томонидан тўлиқ қоплаб берилганмиш, бугунги кунда республикадаги мавжуд 648та қозонхонадан 495таси фаолият юритмоқдамиш, 153та қозонхона носоз ҳолатдалиги аниқланганмиш.

Бундан ташқари, мамлакатдаги жами иссиқлик тармоқларининг 2810 километри, яъни 66 фоиз узунликдаги иссиқлик тармоқлари маънан ва жисмонан эскирган, таъмирталаб аҳволга келиб қолган.

Баъзи оммавий ахборот воситалари вазир ўринбосарининг қуйидаги сўзларини келтирмоқдалар: “Мавжуд эскирган тизим ва ускуналар энергия ресурсларини кўп сарфлаши, қозонхона ускуналарининг фойдали иш коэффициентини пасайишига, харажатларнинг эса меъёрдан ортиб кетишига, натижада хизматлар сифати ва самарадорлик пасайишига олиб келмоқда”.

“Ҳаракат” Агентлигининг мухбирига кўра, бўлаётган ишларда ҳамма нарса ДАБДАЛА эканлиги кўрсатилмоқда. Буларни бекитмаслик, ишлар яқин-орада яхши бўлмаслигини кўрсатмоқда холос.

Хўш, нима қилиш керак? Биз ҳамма ўқувчиларимизни бўлаётган воқеаларни кузатиб боришга ва маслаҳатларни айнан БИЗГА БЕРИШГА ўрганиш керак!!!
« Олдинги хабар Хабарлар рўйхати Кейинги хабар »