08 April 2020
22:25 - Тошкент вилоятидаги тўртта шаҳарда карантин тартиблари кучайтирилади
Эртага, 9 апрелдан бошлаб, Тошкент вилоятининг Олмалиқ, Ангрен, Янгийўл ва Чирчиқ шаҳарларида карантин тартиблари янада кучайтирилади. Бу ҳақда Тошкент вилояти ҳокимлиги ахборот хизмати хабар қилмоқда.

«Фуқароларнинг ушбу шаҳарларга кириши ва чиқиши чекланади. Фавқулодда ҳолатлар ҳамда юк автомобиллари бундан мустасно.

Вазиятдан келиб чиқиб, ушбу ҳудудларга ёндош туманларда озиқ-овқат ярмаркалари ташкил этилмоқда», - дейилади хабарномада.

Эслатиб ўтамиз, бунгача Тошкент ва Нукус шаҳарлари ҳамда 12 та вилоятнинг маъмурий маркази бўлган шаҳарларда карантин талаблари кучайтирилиб, шаҳарларга кириш ва чиқиш чекланган эди. // Kun.uz
« Олдинги хабар Хабарлар рўйхати Кейинги хабар »