Туркия Президенти Ражаб Эрдўған бугун 65 ёшга тўлганини Ўзбекистон ва Россия президентлари Шавкат Мирзиё ва Владимир Путин уни табриклаганлари ҳақидаги бу икки мамлакат оммавий ахборот воситалари тарқатган хабарлардан ўргандик.

ЎзАнинг бу ҳақдаги хабарига икки президентнинг биз ҳам бу хабарга илова қилаётган расми қўйилган.

Ражаб Эрдўған ислом фатантиклиги билан Туркияни ривожланган Ғарб мамлакатлари билан алоқаларини ёмонлаштириб бораётган бўлса ҳам, у Турк Дунёсида энг катта ва кучли давлатнинг раҳбаридир. Биз ҳам жаноб Эрдўғанни юбилейи билан чин кўнгилдан табриклаймиз.

Ражаб Эрдўған Истанбул ҳокими бўлган йилларда мен оилам билан Итанбулда яшаётган эдим, дейди “Бирлик” Халқ Ҳаракати Партияси лидери Абдураҳим Пўлат. Ўша пайтда у билан шахсан кўришганман ва у менга ёрдам берган. Мен буни ҳеч қачон унутмайман, аммо ҳақиқат ҳамма нарсадан юқори. Шу сабабли, унинг Туркияни исломлаштириш йўлида қилаётган ҳаракатларини қоралайман. Ишонаманки, вақти келади, Туркияда ҳокимият отатуркчилар қўлига қайтадан ўтади.