21 January 2019
21:31 - “Толибон” Афғонистоннинг Вардак вилоятида ҳарбий ўқув марказини портлатиб 100 дан кўп кишини ўлдирди. Шавкат Мирзиё қаерда?
Reuters Агантлиги хабар беришича, “Толибон” бугун эрталаб Афғонистоннинг марказида, Қобулга қўшни бўлган Вардак вилоятидаги ҳарбий ўқув марказида теракт уюштириб, 100 дан кўп ҳарбий хизматчини ўлдирибди. Мудофаа Вазирлигининг исмини айтмасликни сўраган бир ходими г билдиришича, ҳалок бўлганлар сони 126 бўлган.

Бу даҳшатли воқеанинг қуйидаги тафсилотлари айтилган. Вардак вилоятининг маркази Майдон шаҳридаги ҳарбий ўқув марказига портлатувчи моддалар билан тўла юк автомобили қоровул постини бузиб кирган ва ичкарида автомобиль портлатиб юборилган. Ҳамма қочиш билан овора бўлган пайтда, бир қуролланган террорист ичкарига кириб ҳаммани ўққа тутган.

Хабарда айтилишича, сўнги йилда Афғонистон ҳукумати бу каби терактларнинг тафсилотларини ҳеч кимга билдирмаяпти, аммо 2015 йилдан бери турли терактларда 28 минг киши ҳалок бўлгани ўтган йили айтилган экан.

Маълумки, бундай воқеаларнинг моҳиятини тушунмайдиган Ўзбекистон Президенти Шавкат Мирзиё террористлар билан музокаралар ўтказиб, Афғонистондаги урушни тинч йўллар билан тўхтатиш таклифини киритган ва ҳатто ўтган йили Тошкентда шу мавзуга бағишланган халқаро конференция ҳам ўтказган эди. Ўшандан кейин АҚШ ва Афғонистон ҳукумати расмийлари “Толибон” билан учрашув-музокаралар ўтказдилар. “Толибон” ўз делегациясини Тошкентга ҳам юборган ва бу делегация Ўзбекистог Ташқи Ишлар Вазирлигида учрашувлар ўтказган эди.

Аммо, кўриб турибмизки, “Бирлик” Партиси ва унинг жарчиси бўлган “Ҳаракат” Агентлиги аввалдан айтиб келаётганидек, бундай учрашувлардан ҳеч қандай фойда бўлмади, терактлар яна ҳам даҳшатлироқ ўлчовда давом этмоқда.

Шундай экан, Шавкат Мирзиё ўзи таклифи билан жиддийроқ шуғулланиш ўрнига ҳозир Германияга кетгани масхарабозликдан бошқа нарса эмас. У “Бирлик” айтаётган фикрларга қулоқ солиши ва Ислом динида фундаментал ислоҳотлар ўтказиш ғоясини олға суриш билан шуғулланиши керак. Қолаверса, Шавкат Мирзиё ахир бир кун “Бирлик”нинг ҳамма таклифлари билан, маслан, Ўзбекистонда фундаментал сийсий ва иқтисодий ислоҳотлар ўтказиш билан шуғулланиш кераклигини тан олишга мажбур бўлади. Аммо, ҳозир ҳар бир кун – йўқотилган кун бўлиб қолмоқда.

Ўзбек демократлари 19 март куни Миллий Уйғониш Кунининг 30 йиллигини байрам қилиш учун Мустақиллик Майдонига чиққанларида, Шавкат Мирзиёни “Бирлик”нинг таклифлари билан шуғулланишга чақиришлари керак.
« Олдинги хабар Хабарлар рўйхати Кейинги хабар »