Аввалги хабарларимиздан маълумки, Афғонистондаги сиёсий барқарорсизлик туфайли 2018 йилнинг бошида ўтказилиши керак бўлган президент сайловлари аввал кузга, кейин 2019 йилнинг июль ойига ўтказилган эди. Ҳозир у ерда президентиликка номзодлар кўрсатиш жараёни бошланган. Ҳозиргача қуйидаги номзодлар кўрсатилгани хабарларда айтилмоқда:

Ашраф Ғани – Афғонистоннинг ҳозирги президенти (расмда)
Гулбиддин Ҳикматёр - Ислом Партияси раҳбари, собиқ Бош вазир
Залмай Расул - собиқ Ташқи Ишлар Вазири
Латиф Педрам - Афғонистон Миллий Конгрес Партияси раҳбари
Нур Ул Ҳақ Улюми - собиқ Ички Ишлар Вазири
Муҳаммад Ҳаниф Атмар - Афғонистон президентининг миллий хавфсизлик бўйича маслаҳатчиси
Аҳмад Вали Маъсуд - Маъсуд Фонди раҳбари
Муҳаммад Ҳаким Торсун - Афғонистон Халқ-Демократик Партиясининг собиқ фаоли

Аввалги сайловда Ашраф Ғанининг асосий рақиб бўлган, ҳозир Бош вазир лавозимида ишлаётган тожик аслли Абдулло Абдуллоҳ ва ҳозир расман вице-президент ҳисобланса ҳам, аслида, уй қамоғида ўтирган ўзбек аслли Абдурашид Дўстим нима қилиши ҳақида ҳали ҳеч қандай хабар йўқ.

Абдурашид Дўстим ва Абдулло Абдуллоҳ ўртасида 3 йилча аввал жанжал чиққани, Ўзбекистон Президенти Шавкат Мирзиё ҳозир ўз миллатдоши Абдулло Абдуллоҳни қўллаб-қувватлаётгани ҳақида гап-сўзлар юрибди. Аслида ҳам шунақага ўхшайди.