14 June 2018
21:49 - АҚШда диндорлар бошқаларга қараганда 3,8 йил кўроқ яшашади. Мусулмонларчи?
АҚШдаги Оҳайо Университетининг олимлари фақат ўз мамлакатларида яшовчилар ичида текширишлар ўтказиб, диндорлар бошқалардан ўртача 3,8 йил кўпроқ яшашларини аниқлашибди. Бу тадқиқотлар доирасида АҚШнинг 42 та йирик шаҳарларида яшовчи 1 минг 100 кишининг ҳаётига доир маълумотларни анализ қилиб, шу фикрга келишибди ва бу ҳақда Social Psychological and Personality Science журналида мақола эълон қилишибди.

Маълум бўлишича, диндорлик кайфияти юксак бўлган шаҳарларда диндорлар билан бошқаларнинг яшаш йили бўйича фарқи катта экан. Бошқа жойларда бундай фарқ кам.

Агар шундай бўлса, дейди мухбиримиз, кўпроқ яшаш учун диндорликдан ҳам кўпроқ диндорлик кайфияти юксак бўлган жойдаа яшаш муҳимроққа ўхшайди. Қолавеса, у олимларнинг ўзи ҳам бу тадқиқотларнинг натижалари ниҳоий эмаслигини тан олибдилар.

Қизиқ, Ислом давлатларида шу каби тадқиқотлар ўтказилса, қандай натижалар чиқади? Ислом дунёси шундоғам жаҳоннинг энг қолоқ ва қашшоқ қисмику. Демак, натижалар қашшоқликдан кўра диндорлик муҳимлигини, мусулмонларни ривожланиш деган аҳмоқона тушунчалар қизиқтирмаслигини кўрсатса керак.

Бу нарса айниқса ўзбеклар учун муҳим. Бизга нима кераги бор, аҳволимиз дабдала эканлиги, қозоқлардан 10 баравар қашшоқлигимиз тўғрисида ўйлашни, ҳамма нарсани бизга, вақти келиб, Оллох беради. “Биздан ҳаракат – Оллоҳдан баракат” шиори “Ҳаракат” Агентлиги тузволган аҳмоқларгагина оиддир.
« Олдинги хабар Хабарлар рўйхати Кейинги хабар »