Тошкент вақти - 
16 April 2018
07:19 -
Шавкат Мирзиё: Қозоғистон президенти менинг устозим, аммо кореяликларга қул бўламиз!
Ўзбекистондаги тожиклар режимининг қўғирчоқ ахборот воситалари ҳеч бир таҳлилсиз Шавкат Мирзиёнинг 13 апрель куни Сирдараёда тўғри келган жойда гапирган гапларини ҳадисдек қилиб тарқатмоқдалар. Уларни ҳаммасини бу ерда қайтариш - саҳифамизни масхарабозхонага айлантириб қўйган бўларди. Шу сабабли 2 тагина ҳадисга таҳлил бермоқчимиз.Биринчиси. Шавкат Мирзиё қўшни давлатлар билан яхши алоқалар ўрнатиш муҳимлигини урғулаш билан бир қаторда, Қозоғистон Президенти Нурсултон Назарбойни “менинг устозим” дебди. Бир давлат президентининг бошқа давлатдаги ҳамкасбини “устозим” дейиши ўта шармандачиликдан бошқа нарса эмас. Нима, Ўзбекистонда чет эллик устозсиз президентлик вазифасини бажара оладиган ўзбек йўқми?
Ҳа, қўшни мамлакатлар билан муносабатлар ҳамма ерда ўта муҳим масаладир. Аммо, Шавкат Мирзиё қирғиз фашистлари 2010 йили ўзбекларни қирғин қилганини гўёки кўрмаслиги, Тожикистон ва Қозоғистонда сўнги 10-15 йилда кўплаб ўзбек макатаблари бекитиб ташланганига эътибор бермаётгани - ўзбек миллатига нисбатан хоинлик эмасми? Бунинг устига, Қозоғистон мустақиллик йиллари чет элдаги юз минглаб қозоқларни кўчириб келгани, Қозоғистоннинг шимоли ва марказида аҳолининг зичлиги жуда кам бўлишига қарамасдан, янги келганларни ўзбеклар кўп бўлган, аҳоли зичлиги ўта юксак бўлган ҳудудларга жойлаштирилиши ҳам тасодифан бўлмай, ўзбекларни у ерлардан сиқиб чиқариш сиёсатининг бир қисми бўлганини, худди Ислом Карим каби, Шавкат Мирзиё ҳам кўрмаётганига нима дейсиз?
Иккинчиси. Шавкат Мирзиё Сирдарё вилояти Мирзаобод туманидаги “Бек кластер” масъулияти чекланган жамиятга ташриф буюрибди. Айнан шу ерда, 100 гектар майдонда Жанубий Корея технологияcи асосида замонавий гидропоник иссиқхона барпо қилинаётгани, бу ерда йилига 50 миллион долларлик маҳсулот етиштириб, уларни 100 фоиз экспортга йўналтириш режалаштирилгани урғуланади.
Ҳеч шубҳа йўқки, олинган фойданинг асосий қисми Кореяга кетади, қолган қисми эса, “Бек кластер” давлатники бўлган сабабли, давлатнинг порхўр ва коррупционерларининг чўнтагига тушади. Табиий, ўзбек халқига ҳам бир неча чақадан қолади. Шавкат Мирзиёнинг у ерга боришдан мақсади – ҳамма нарсани кореяликларга бериш сиёсатини намойиш қилиш бўлган.
Агар Ўзбекистон аллақачон тўла бозор иқтисодиётига ўтиб, мамлакатимизда юзлаб-минглаб катта бойлар, яъни инвесторлар бўлса эди, жамият демократиялаштирилиб, ҳақиқий парламент, ҳақиқий партиялар яратилсаа эди, ошкоралик ва сўз эркинлиги бўлса эди, порахўрлик ва коррупция минималлаштирилган бўлсайди, Ўзбекистонимиз КАТТА ва ҚАШШОҚ ЗИНДОН эмас, инсон эркинликлари тўла таъминланган фаровон ўлка бўларди.
Шундай экан, ўзбеклардан сўраш керак: Ватан ва ўз келажагингизни ўйлайсизми? Ватан ва миллатнинг ғами билан ғами бўлмаганларни қачонгача президент қилиб сайлайсиз? Майдонларга чиқиб Шавкат Мирзиёни Ўзбекистонни демократиялаштириш ва тўла бозор иқтисодиётига ўтказиш билан шуғулланишга мажбур қилиш вақти келмадими?
