22 December 2017
20:46 - Шавкат Мирзиё: Миллий Хавфсизлик Хизмати ислоҳ қилинади. “Ҳаракат”: Офарин, Ўзбекистон энди замонавий зиндон бўлади!
“Миллий Хавфсизлик Хизмати (МХХ) идоралари бугунги кунгача 26 йил аввал ҳукумат тасдиқлаган Низом асосида фаолият кўрсатиб келмоқда. Бу Низомга чорак аср давомида тегилмаганлиги ва ҳар қандай оддий масала ҳам миллий хавфсизликка таҳдид деб баҳолаб келинганлиги ушбу идора ваколатларининг асоссиз кенгайиб кетишига сабаб бўлган” деди президент Шавкат Мирзиё бугун ўтказилган селектор мажлисида.

Шунга кўра, дунёнинг баъзи минтақаларида юзага келган нотинч вазият аҳоли миграцияси кучайишига, бу эса, ўз навбатида, терроризм ва экстремизм тарқалишига ҳамда бу иллатлар глобал муаммолардан бирига айланиши мумкинлигини инобатга олиб, идора фаолияти кескин ислоҳ қилинади. “Ҳуқуқни муҳофаза қилувчи органлар тўғрисида”ги ва “Миллий Хавфсизлик Хизмати тўғрисида”ги қонунлар ишлаб чиқилади.

Ўзбекистон инсон эркинликлари бўйича жаҳон давлатлари рўйхатида охиридан иккинчи ўринда туришини, яъни, Ўзбекистонимиз катта зиндон эканлигини ҳамма биларди. Ҳамма бўлмаса ҳам, ақли борлар тушунадики, бу аҳволга тушишимизда Ўзбекистондаги тожиклар режимининг қатағон қуроли ва Лубянканинг Тошкентдаги офиси бўлган МХХ катта роль ўйнаган. Энди бу зиндон бузиладими, Шавкат Мирзиё уни яхши томонга ўзгартирадими? Йўқ, дейди мухбиримиз, у замонийлаштирилади, ҳожатхоналарга унитазлар ўрнатилади.
« Олдинги хабар Хабарлар рўйхати Кейинги хабар »