25 September 2017
15:26 - Германияда паламент сайловларининг натижалари эълон қилинди, биринчи ўринда Канцлер Ангела Маркелнинг коалицияси
Бугун Германинг Марказий Сайлов Комиссияси кеча ўтказилган парламент сайловларининг натижаларини эълон қилди. 709 ўринли Бундестагда 7 партия ўз вакилларига эга бўлади. Айнан, шу 7 партия 5 фоизли тўсиқдан ўтган ва парламентга кирган.

Энг кўп овозни ҳозирги Канцлер Ангела Маркел (расмда) раҳбарлигидаги икки партиянинг коалицияси олди. Булар - Христиан-Демократик Иттифоқи (26,8% овоз, 250 депутат) ва Христиан-Социал Иттифоқи (6,2%, 153 депутат). Бу икки партия биргаликда бор-йўғи 33 фоиз овозга эга, яъни кўпчиликни ташкил қилмайди.

Қолган 5 партиянинг - Социал-Демократик Партия, Ўнг қанотли «Германия учун Алтернатива», Эркин Демократик Партия, Сўлчилар, Яшиллар – парламентда 94 билан 46 ўртасида депутатлари бўлади.

Ҳозир Европа Иттифоқи ичида муҳим жанжалли жараёнлар кетмоқда. Буюкбритания ЕИдан чиқмоқда, АҚШнинг янги президенти билан алоқалар яхши эмас, Россияга қарши санкциялар масаласида ҳам тўла бирлик-баробарлик йўқ, мусулмон муҳожирларга муносабатда ҳам бирлик йўқ. Шундай оғир пайтда ЕИнинг лидерларидан бири бўлган Германияда ҳам ҳокимият учун кураш кучайиб бораётгани Европанинг фойдасига бўлмайди.

Кўрамиз, ҳозир дунё лидерларидан бири бўлган Ангела Маркел Бундестагда қандай янги ҳокимият коалицияси яратолади.
« Олдинги хабар Хабарлар рўйхати Кейинги хабар »