Доналд Трамп ўтган йилги сайловолди компанияси давридаёқ мусулмонларни бутунлай АҚШга киритмаслик ёки уларни киритиш йўлига катта тўсиқлар қўйиш ҳақида гапирган эди. У президентилик курсисига ўтиргандан кейин бир неча ислом давлати фуқароларини АҚШга киритиш йўлида тўсиқлар қўйувчи қарорлар чиқарди. Аммо, маҳаллий судлар унинг қарорларига вето ҳам қўйишгача бордилар.

Ўша пайтдаёқ, “Ҳаракат” Агентлиги бу курашда барибир Доналд Трамп ғалаба қозонишини башорат қилди. Бизнинг башоратимиз – АҚШда оддий америкаликлар ичида ҳамма лотин америкалик ва мусулмон муҳожирларга қарши кайфият кучайиб бораётганига асосланган эди. Ҳамма нарса биз башорат қилаётгандек бўлмоқда. Бир неча ой ичида Доналд Трампнинг ҳукумати мавжуд қонунлар доирасида маҳаллий судларнинг ҳукмини сал кам бутунлай бекор қилдиртирган эди. Аслида, Доналд Трампнинг қарорлари вақтинчалик эди, улар кеча ўз кучини йўқотди.

Аммо, Доналд Трамп кечаёқ янги қарорлар чиқарди. Уларга кўра, Эрон, Ливия, Сомалия, Сурия, Яман, Шимолий Корея ва Венесуэла фуқаролари, айниқса, Эрон фуқаролари учун АҚШга кириш имкониятлари жуда ҳам қисқартирилади. Кўриниб турибдики, бу рўйхатда асосан ислом мамлакатлари бор.

Ҳеч қандай шубҳа йўқки, дейди мухбиримиз, Шавкат Мирзиё ўзининг ислом террористларини феълан рағбатлантиришга қаратилган сиёсатидан воз кечмаса, ўзбеклар учун ҳам АҚШга кириш йўлида тўсиқлар қўйилишга бошланади. Маълумки, ўзбеклар дунёнинг энг фанатик мусулмонларидандир. Фанатизм билан экстремизм ва терроризм орасидаги фарқ эса сезилмайдиган даражада оз.