50 йилдан ортиқ Ўзбекистон телерадиокомпаниясига дикторлик қилган Насиба Мақсудова кеча Тошкентда гемморогик инсульт хасталиги туфайли оламдан ўтди. Бир муддат аввал инсульт олиб, соғайган Насиба Мақсудова қайта инсульт олган ва Республика Шошилинч Тез Тиббий Ёрдам Марказига келитирилган. Кўрилган чора-тадбирларга қарамай у оламдан ўтган.

68 яшар диктор сўнгги йилларда "MY5" телеканалидаги "Дийдор ширин" кўрсатуви муаллифи ва бошловчиси сифатида фаолият қилиб келаётган эди. Диктор эртага Тошкентга тупроққа берилади. Унинг қизи Иорданияда бўлгани боис жаноза бир кунга кечиктирилган.

Айнан кеча Ўзбекистонда хизмат кўрсатган артист Фурқат Мирзаев Ҳиндистонда оламдан ўтди. Хонанданинг яқинларига кўра, у бир муддат аввал жигар циррозидан даволаниш учун мазкур мамлакатга кетганди. Самарқанд вилоятининг Ургут туманида вояга етиб, халқона қўшиқлари билан танилган санъаткор эндигина 51 ёшга қадам қўйганди.

Халқимизнинг нафақат таниқли, айни замонда, севимли фарзандларини Аллоҳ раҳматига олсин!