03 February 2017
20:16 - Таъқиқланган ташкилотларга аъзолик айби билан қамалганлар авф этилмайди
Ўзбекистон Республикаси Олий Суди судьяси Муҳамадали Назаровнинг матбуотда маҳкумлар яқинлари саволларига берган жавобига кўра, 2016 йил 12 октябрида Олий Мажлис Сенати эълон қилган амнистия акти тақиқланган ташкилотлар фаолиятидаги иштироки, улар таркибида тинчлик ва хавфсизликка қарши ёки жамоат хавфсизлигига қарши жиноятлар содир этган маҳкумларга қўлланилмаган.

Қайд этилишича, бу тоифа маҳкумларга амнистия акти илгари судланмаган, тузалиш йўлига қатъий ўтган, содир этган жиноятидан пушаймонлигини ёзма аризаси билан тасдиқлаган, унинг тузалиш йўлига ўтганини тасдиқловчи тегишли органлар хулосалари, маҳкумнинг яқин қариндошлари ва унинг яшаш жойидаги маҳалла қўмитасининг кафиллик хати мавжуд бўлган тақдирдагина қўлланилади.
« Олдинги хабар Хабарлар рўйхати Кейинги хабар »