Аввал хабар берганимиздек, яқин икки ойда Ўзбекистон Президенти Шавкат Мирзиёнинг Россия раҳбари Владимир Путин билан учрашиши режалаштирилаётган эди. Россия президентининг матбуот котиби Дмитрий Песков “Известия” газетасига берган интервьюсига кўра, Шавкат Мирзиё қишлоқ хўжалиги маҳсулотлари етказиб бериш ҳақидаги шартнома ва Россия нефтига бўлган божни бекор қилиш бўйича келишувни амалга ошириш учун Кремлга бормоқчи эмиш.

Учрашувда муҳокама қилиниши кутилаётган яна бир муҳим масала ҳарбий-техник ҳамкорлик масаласи эканлигини ҳам урғулаган Дмитрий Песков, “Тошкент мамлакат ичкариси ва қўшни Афғонистонда диний радикализмга қарши туриш учун ҳарбий имкониятларини кучайтириши кераклигини ҳам тилга олган. Шунингдек, музокараларда энергетика, қишлоқ хўжалик маҳсулотларини етказиб бериш, ҳарбий-техник ҳамкорлик ва миграцион сиёсат масалалари кўриб чиқилади.

Бундай масалалар икки президентнинг учрашувида тилга олиниши табиийдир. Аммо, амалий ишлар қандай бўлишини тахмин қилиш ҳам қийин. Лекин бир нарса аниқ, Шавкат Мирзиё ўз “отаси” ҳаромий Ислом Каримнинг сиёсатини давом эттириш ниятини Путинга кўрсатиш учун Москвага боради ва вассалликни давом эттиришга ваъда беради.

Расмда - икки президентнинг 2016 йил 6 сентябрь куни Самарқандда Ислом Каримнинг қабри олдидаги учрашуви.