АҚШ Конгрессининг эркак аъзоларини конгрессмен дейишади. Бу сўздаги “-мен” қўшимчаси у депутатнинг эркаклигини билдиради. Аёл депутатларни эса “конгрессвумен” дейишади, бу сўздаги “-вумен” қўшимчаси айнан “аёл” деганидир.

АҚШ Конгрессининг қуйи палатаси бўлмиш Вакиллар Уйининг Гавайи штатидан сайланган аёл аъзоси, яъни конгрессвумени Тулси Габбард яқинда Сурияга сафар қилганда унинг йўл ҳаражатларини АҚШдаги Араб-Америка Иқтисодий ва Ижтимоий Хизматлар Жамоат Маркази номли ташкилот тўлаган экан. Ҳозир АҚШда антимусулмончилик кайфияти кучайиб бораётгани сабабли бўлса керак, бу конгрессвумен ўзининг Интернетдаги сайтида ўша ташкилотдан олган ҳаражат пулларини қайтариб берганини билдирибди.

2015 йилнинг 15 октябрь куни “Ҳаракат” Агентлиги АҚШнинг машҳур USA Today газетасидаги мақолага асосланиб, бу мамлакатда фаолият кўрсатаётган фатхулла-гуленчиларнинг ташкилотлари АҚШ Конгресс аъзолари ва Конгресс ходимларининг Туркияга қилган 200 дан кўпроқ саёҳатлари ҳаражатларини яширинча қоплаганини билдирган эди. Бу билан АҚШ Конгресси Вакиллар Уйининг қоидалари ва балки федерал қонунлар бузилгани, бу фактлар USA Today газетаси тарафидан ўтказилган текширишлар натижасида маълум бўлгани ҳам хабаримизда айтилган эди.

Аслида, бундай машҳур газетада эълон қилинган фактлар катта жанжалларга олиб келиши керак эди. Аммо, бундай бўлмади. Тахмин қилиш мумкинки, фатхулла-гуленчилар тарафидан сотиб олинган АҚШ конгресмен ва конгресвуменлари бу ишни босди-босди қилдилар.

Бироқ ҳозир АҚШда сиёсий об-ҳаво ўзгаришга бошлади. Айниқса, Доналд Трамп президентлик курсисига ўтириб, сайловолди кампанияси даврида мусулмонларга қарши ишлар қилиш ҳақидаги ваъдаларини қисман бўлса ҳам амалга оширишга бошлагач, ҳамма типирчилаб қолди. Тахмин қилиш мумкинки, фатхулла-гуленчилардан ҳаражат пуллари олган конгрессмен ва конгрессвуменлари Тулси Габбарддан ўрнак олиб, ўз имижларини тозалаш йўлини қидириб ётибдилар.

Уларни қўйиб туринг, АҚШдаги исломий ташкилотларнинг ўзлари ҳам типирчилаб қолишгани шак-шубҳасиз. АҚШда уларга қарши кайфият ёмонлашган сари уларнинг кўпчлиги ёпиб ташланиши ҳам муқаррар. Кейин мачитларни бекитиш бошланади.

Эслатиб ўтиш керакки, 2015 йилнинг охирида фахрий раиси Фатхулла Гулен бўлган Вашингтондаги Румий Форум ташкилоти ўз офисига “Бирлик” лидери Абдураҳим Пўлатни киритмаслик ҳақида қарор қилган эди. Мен у аҳмоқларнинг бу қарорига ортиқча эътибор ҳам бермадим, дейди, Абдураҳим Пўлатнинг ўзи, аммо, Фатхулла Гуленга хат ёзиб, у Ислом динини ўлимга олиб кетаётганини урғулаб, уни ўз сиёсатини ўзгартиришга ва Ислом динини дунёвийлик/секуляризм йўлига солиш ишига қўшилишга чақирган эдим. Ҳозир у бечора атеист бўлишга ҳам тайёр бўлиб қолган бўлиши мумкин. Чунки, АҚШ уни Туркияга ушлаб берса, табиати билан ундан фарқи бўлмаган Ражаб Эрдўғон ўз мамлакатида ўлим жазосини тиклайди ва биринчи бўлиб Фатхулла Гуленга ўлим жазоси чиқартиради. Уларнинг ўрни алмашиб қолса, Фатхулла Гулен Ражаб Эрдўғонга ўлим жазоси чиқартиради.

Аслида, бу икки исломчининг тақдирини эмас, Ислом динининг тақдирини ўйлаш керак. Ҳозир аниқ айтиш мумкинки, Ислом хавфли йўлда.