22 January 2017
02:05 - АҚШнинг бир қатор шаҳарларида Доналд Трампга қарши намойишлар бўлмоқда, унинг ўзи Марказий Истиҳборот Агентлигида учрашув ўтказди
20 январда президентлик курсисига ўтирган Доналд Трампга қарши бўлган юз минглаб асосан аёллардан иборат намойишчилар шу соатларда, яъни маҳаллий вақт билан тушдан кейин, Вашингтон, Нью-Йорк, Чикаго ва Бостон каби шаҳарларда юриш қилмоқдалар. Митинглар ўтказиш йўлида ҳеч қандай тўсиқлар бўлмаган ва аҳолиси 300 миллион атрофида бўлган АҚШдек давлатда юзминглаб намойишчиларнинг кўчаларга чиқишини сенсация деб ҳам бўлмайди.

Қолаверса, бу намойиш ташкилотчиларида ақл бўлса, намойишларни сайловдан олдин ўтказишлари керак эди. Халқ уларга қулоқ солса, Доналд Трампга овоз бермасди. Мутлақо фойдаси бўлмаган, Доналд Трампга қарши биронта жиддий айб қўйилмаётган бундай намойишлар кимга керак бўлиб қолди деган саволга жавоб йўқ.

Дарвоқе, Европанинг Париж, Лондон ва Берлин каби шаҳарларида ҳам шу каби Доналд Трампга қаршиларнинг ўнг минглаб намойишчилар иштирокидаги митинг ва юришлари бўлди.

Доналд Трампнинг ўзи эса, бундан бир соатча аввал Марказий Истиҳборот Агентлигининг (МИА, русча - ЦРУ, инглизча – CIA) Вашингтон яқинидаги бош қароргоҳига бўлди, бу ташкилот ходимлари билан учрашув ўтказди ва қисқа нутқ ҳам сўзлади. Унинг нутқида иккита нуқтагина диққатга сазовар.

Биринчиси - унинг МИАчиларга қаратиб “Мен доим сизни қўллаб-қувватлайман” дейишидир.

Иккинчиси - ислом терроризмининг хатта хавф эканлиги ва унинг йўқ қилиш кераклигига урғу беришидир.

Ҳеч шуюҳа йўқки, АҚШнинг аҳолиси кўчаларга чиққан Доналд Трамп душманларининг бақириқ-чақириқларларига эмас, унинг МИАчиларга қаратиб айтган гапларига эътибор беради. Ва тўғри қилади.

Расмда – намойишчилар Вашингтон кўчаларида.
« Олдинги хабар Хабарлар рўйхати Кейинги хабар »