11 January 2017
22:25 - Ҳозиргина Доналд Трамп сайлангандан бери биринчи марта матбуот конференцияси берди, пичоққа илинадиган гап бўлмади
У аввалига етралича узун баёнот берди, кейин журналистларнинг саволларига жавоб берди. Матбуот конференцияси бир неча дақиқа олдин тамом бўлди.

Доналд Трампнинг баёнотда тилга олинган мавзуларнинг кўпчилиги АҚШнинг ички масалалари билан боғлиқ, аммо берилган саволларнинг кўпчилиги эса, Россия билан муносабатлар ҳақида бўлди. Доналд Трампнинг Россия АҚШдаги президент сайловлари пайтида хакер ҳужумлари уюштирганини тан олишини биринчи марта айтиши сенсация бўлди, дейиш мумкин. Бошқа мавзулар умумий шаклда тилга олинди.

“Ҳаракат” аввалдан башорат қилгандек, у Путин билан алоқаларни жиддий шаклда яхшилаштиришни ўйлаётгани ҳам йўқлигини кўрсатди.

Унинг тезда 1 миллион иш ери яратиш ҳақидаги гаплари Ўзбекистондек кичкина давлатнинг ҳар йили 900 минг атрофида иш ери яратаётгани ҳақидаги вайсашлари билан солиштирилганда кулгига ҳам арзимайди. Ким билади, балки, тескарисидир, аввал Бош вазир бўлиб, энди президентга айланган Шавкат Мирзиё устидан кулиш керакдир.

Ҳозир ҳамма ерда Доналд Трамнинг матбуот конференциясини муҳокама қилиш бошланади. Аммо, у ерда ҳам пичоққа илинадиган нарса бўлмаслиги аниқ.
« Олдинги хабар Хабарлар рўйхати Кейинги хабар »