29 December 2016
11:34 - Ҳақиқий хабар “Ҳаракат”да ўқилар: Исроил Филистон давлати яратилишига йўл бермоқчи эмаслиги ҳақидаги фикримизни АҚШ Давлат Котиби ҳам тасдиқлади
Шу йил 26 сентябрда ҳали президент бўлиб сайланмаган Доналд Трампнинг Исроил Бош вазири Бинямин Натаняху билан учрашуви, 23 декабрда эса, БМТнинг Хавфсизик Кенаши ҳали қурилмаган Филистин давлатиники деб ҳисобланадиган, аммо 1968 йили Исроил тарафидан босиб олинган ҳудудларда Исроил тарафидан ўз фуқаролари учун яшаш манзиллари қуришни тақиқловчи қарори ҳақида хабар берар экан, Исроил Филистин давлати яратилишига йўл бермоқчи эмасга ўхшайди, деб таҳлил берган эдик.

Кеча, яъни 28 декабрда АҚШнинг энг машҳур газеталаридан бири бўлган The New York Times АҚШ Давлат Котиби Жон Керрининг узундан узоқ сўзлаган нутқинининг видеосини ва бу нутқ ҳақидаги каттагина мақолани эълон қилди. Жон Керри асосан Исроил, Филистин ва Яқин Шарқ муммолари ҳақида гапириб, Натаняху оғизда бу минтақада “икки давлат” (яъни, Исроил ва Филистин – “Ҳаракат”) бўлиши кераклигини гапирса ҳам, амалда “битта давлат” (яъни, Исроил – “Ҳаракат”) сиёсати йўналишида иш олиб бораётганини анчагина қаттиқ сўзлар билан қоралади. Филистин давлати яратилмаса ва уники бўладиган ҳудудлар Исроилда қолса, арабларнинг сони кўп бўлгани учун Исроил яҳудийлар давлати бўлолмаслиги, демокартик давлат бўлолмаслигини ҳам гапирди. Яъни, Барак Обама президентлиги даврида анчагина совиб қолган АҚШ-Исроил алоқалари устига муздек совуқ сув қуйди.

Лекин, Доналд Трамп яқинда расман президентлик курсисига ўтиргандан кейин аҳвол тескарисига ўзгариши кутилмоқда. Чунки, Доналд Трамп Бинямин Натаняхунининг сиёсатини қўллаб-қувватлаш ниятини билдириб бўлган ва Натаняху билан 26 сентябрдаги учрашуви пайтида бутун Қуддусни Исроилнинг пойтахти деб тан олишга тайёр эканлигини ҳам билдирганди. Ваҳолангки, Қуддуснинг шарқий қисми БМТнинг 1948 йилдаги қарорига кўра, Филистин давлатида бўлиши керак.

Кўринишидан филистинлик арабларнинг Филистин давлати яратиш умидлари яқин келажакда амалга ошмайдиганга ўхшайди.

Биз ўз таҳлилимиз тўғри чиққанлиги билан хурсанд бўлиш ниятимиз йўқ, аммо аччиқ ҳақиқатни гапиришга мажбурмиз.
« Олдинги хабар Хабарлар рўйхати Кейинги хабар »