11 October 2016
21:48 - Қарағандадан 6 ўзбекистонлик ва 7 тожикистонлик Сариоғоч орқали Ўзбекистонга депортация қилинади
Казинформ агентлиги билдиришича, бу йил Қарағандада яшаётган 359 чет элликни ноқонуний яшаётганлари туфайли ўз мамлакатларига қайтариб юбориш ҳақида суд қарорлари чиқарилган. 315 киши суд қарорига бўйсуниб ўз мамлактига қайтган, аммо 44 киши яширинча ноқонуний яшашни давом эттираверган. Улардан 13 нафари ноқонуний миграцияга қарши курашувчи махсус отряд (шунақаси ҳам бор экан) тарафидан ушланибди. Уларнинг 6 нафари ўзбекистонлик, 7 нафари тожикистонлик бўлиб, асосан бозорларда ишлашар экан.

Бугун уларни махсус автобус билан Чимкент вилолоятининг Сариоғоч тумани орқали Ўзбекистонга чиқариб юбориш режалаштирилган.

Аммо, Ўзбекистоннинг бундан хабари бор-йўқлиги ҳақида хабарда ҳеч нарса айтилмаган. Ўзбекистон тожикистонликларни қабул қилиш-қилмаслиги ҳам номаълум.

Лекин, бир нарса аниқ, Қарағандада бозорда ишлаб, Ўзбекистондаги профессорлардан кўп пул топган ҳамюртларимиз учун бу воқеа катта фожеадир.

Расм Казинформнинг хабаридан олинган.
« Олдинги хабар Хабарлар рўйхати Кейинги хабар »