06 October 2016
20:50 - Шавкат Мирзиё келажакда Ургутда эркин индустриал зона ташкил қилмоқчи, бугун эса Белорусия диктатори билан машғул
Кеча Ўзбекистон Республикаси Президенти вазифасини бажарувчи, Бош вазир Шавкат Мирзиё Самарқанднинг вилояти Ургут туманига боришга тайёрланаётгани хусусида сафардан бир кун аввал хабар бергандик. Шавкат Мирзиё Ургутда бўлди ва аввалги хабаримизда айтганимиздек, янги қурилган иншоотларни кўздан кечирди, кишилар билан учрашди. Ургутда эркин индустриал зона ташкил қилиш таклифини берди.

Шунингдек, у Самарқанд шаҳрида барпо этилиши режалаштирилаётган замонавий кўп қаватли уйлар лойиҳаси, шаҳарда трамвай линияларини барпо этиш лойиҳаси ва шу каби бошқа лойиҳалар билан танишди.

Бугун эса Самарқандга қайта бориб, аэропортда Беларусь Республикаси Президенти Александр Лукашенкони кутиб олди. Лукашенко ўзининг маънавий шериги ва ҳамкасби бўлган марҳум Ислом Каримнинг қабри пойига гулчамбар қўйди. Сўнгра Шавкат Мирзиё билан давлат ишларига оид масаларни кенгашди.
« Олдинги хабар Хабарлар рўйхати Кейинги хабар »