Кеча Туркия Президенти Ражаб Эрдўғон раиси бўлган Миллий Хавфсизлик Кенгаши 6 соатлик мажлисдан кейин Туркия ҳукуматига 15 июлдаги фатхулла-гуленчиларнинг давлат тўнтариши қилишга уринишидан кейин киритилган фавқулодда ҳолатни узатишни таклиф қилди. Ҳозир Туркияда Бош вазир қўғирчоқ бўлиб, ҳукумат Конституцияга зид равишда тўла Ражаб Эрдўғоннинг қўлига ўтиб бўлганини ҳисобга олсак, ҳукумат фавқулодда ҳолатни узайтириш таклифини маъқуллаб, бу таклифни Олий Мажлисга олиб чиқишига ҳеч қандай шубҳа йўқ. Аммо уни Олий Мажлисда тасдиқлаш осон бўлмайди.

Яна билиш керакки, 15 июлдан 16-чига ўтар кечаси давлат тўнтариши қилишга уринган фатхулла-гуленчилар давлат структураларида ерлашиб олган бўлсалар ҳам, мавжуд ҳукуматга қарши ҳеч нарса қилолмасликларини намойиш қилдилар. 15-16 июль воқеаларидан кейин ўн минглаб эмас, юз минглаб фатхулла-гуленчилар давлат ишларидан улоқтирилдилар, аммо уларнинг бунга ҳеч қандай қаршилик кўрсатишга, ҳатто овоз чиқаришга ҳам қурблари етмаяпти ёки буни истамаяптилар.

Шундай экан, фавқулодда ҳолатни узайтиришнинг нима кераги бор? Тахмин қилиш мумкинки, Ражаб Эрдўғонга фавқулодда ҳолат фатхулла-гуленчиларни эмас, улар баҳонасида Туркия ичидаги дунёвийлик/секуляризм тарафдорларини кучсизланттириш учун керак. Агар у бу ишни амлага оширолса, кейинги қадами Туркияни Эрон каби исломий давлат деб эълон қилиш бўлади.

Лекин, Туркияда кетаётган жараёнлар кўрсатмоқдки, дунёвийли/секуляризм тарафдорларини осонликча енгиб бўлмайди. Ражаб Эдрўғон Туркиянинг исломий давлатга айлантириш ниятидан вақтида воз кечмаса, ичики кураш оловланиб ва курд масаласи қўшилиб, Туркия парчаланиб кетади, Турк Дунёси тушунчаси қисқа вақтга бўлса ҳам маъносини йўқотади.

Қани энди, бошқа туркий тилли мамлакатлар шу масала бўйича Ражаб Эрдўғонга таъсир кўрсатишга ҳаракат қилсалар эди.