Кремль раҳбари Владимир Путин Самарқандда Ислом Каримнинг қабрига гуллар қўйиб, Ўзбекистон Биринчи Президенти хотирасига ҳурмат бажо келтирди.

Шунингдек, у ўша ерда Ислом Каримнинг турмуш ўртоғи ва қизи Лола билан учрашди, уларга ҳамдардлик изҳор қилди. Ташриф давомида Путинга Ўзбекистон Бош вазири, феълан Ислом Каримнинг ўрнини эгаллаб бўлган Шавкат Мирзиё ҳамроҳлик қилди.

Ўзбекистоннинг телеканаллари ва ўрисларнинг Russia Today телеканали томонидан мазкур зиёрат тафсилотлари кенг ёритилди.

“Ҳаракат”нинг аввалданоқ билдирилган фикрича, Путиннинг асосий мақсади - ҳали ўзининг келажак сиёсати ҳақида оғиз очмаган Шавкат Мирзиё билан учрашиш, уни табриклаш ва биринчи кўрсатмаларини бериш бўлган. У шундай қилиб бўлгани ҳам шубҳасиздир. Шавкат Мирзиё энди нима гапириш кераклигини жуда яхши билади.