01 September 2016
21:32 - Ҳақиқий ўзбекча масхарабозлик: Мустақиллик байрами халқ сайллари кўринишида нишонланди. Аслидачи?
Бугун мамлакат мустақиллигининг 25 йиллиги тантаналари пойтахтнинг қатор истироҳат боғларида халқ сайллари кўринишида нишонланди. Ташкил этилган саҳналарда хонандалар, сўз усталари ва жамоат арбоблари томошалар кўрсатдилар. Санъаткорлар чиқишлари олдидан бундай фаровон кунлар рўёби учун президент Ислом Каримга мақтов сўзлари айтиб, унга саломатлик тиладилар.

Пойтахтдаги йиллик анъанавий марказлашган сиёсий тадбир ўтказиладиган Миллий Боғдаги амфитеатр майдони бўш қолди. Унинг ўрнига ҳукумат, жамоатчилик, халқаро ташкилотлар ва дипломатик корпусларнинг вакиллари Мустақиллик Майдонидаги бахтиёр она мажмуаси пойига гулчамбарлар қўйдилар.

Мустақиллигимизнинг бош душмани бўлган, мустақиллик талаби билан кўча ва майдонларга чиққан ўзбекларни калатаклатган ва қаматган одам ўлим тўшагида ётган бир пайтда мустақилликнинг қанчадир йиллигини нишонлаш турли тарафли ҳис-туйғулар уйғотиши табиийдир. Аммо, бир нарса аниқ, бир неча йилдан кейин бугунги халқ сайлига чиққанлар, мустақиллик эмас, ўлим хабаридан таъсирланиб сайлга чиққанларини иддао қилишга бошлайдилар.
« Олдинги хабар Хабарлар рўйхати Кейинги хабар »