20 August 2016
19:33 - АҚШ Фатхулла Гулен масаласини ўрганиш учун Туркияга махсус ҳайъат юбормоқчи
Reuters Агентлигининг бир оз аввал тарқатилган хабарига кўра, АҚШнинг Адлия вазирлиги ва Давлат Департаменти Анқарага махсус ҳайъат жўнатмоқчи. Бу ҳайъат Туркия ҳукумати билан Фатхулла Гуленга қарши қўйилган давлат тўнтариши қилишга уриниш айбномалари билан боғлиқ масалаларни муҳокама қилади. Агентлик бу хабарни Адлия вазирлигидаги аноним манбадан олибди.

У манба ҳайъат Туркияга қачон боришини айтмаган. Аммо, бошқа манбаларга кўра, ҳайъат шу кунларда Туркияга кетармиш.

Хабарда тилга олинмаса ҳам, ўз-ўзидан маълумки, дейди мухбиримиз, айнан шу ҳайъатнинг хулосалари асосида, АҚШ Туркиянинг талаби бўйича Фатхулла Гуленни тутиб бериш ёки бермаслик ҳақида қарор қабул қилади.

Reuters Агентлигининг хабаридан олинган расмда Фатхулла Гуленни Пенсилвания штатининг Сайлорсбург номли жойидаги уйида кўрмоқдасиз.
« Олдинги хабар Хабарлар рўйхати Кейинги хабар »