13 August 2016
17:11 - “Толибон” қўлига тушган 5 покистонлик ва бир россиялик озод қилинибди, пулнинг кучи билан бўлса керак
4 август куни Покистоннинг Ми-17 вертолёти Афғонистон орқали таъмирлаш ишлари бажариш учун Россияга учиб кетаётганда Афғонистоннинг толиблар қўлида бўлган Лаҳор вилоятида фавқулодда қўнишга мажбур бўлгани ва вертолётнинг покистонликлар ва бир нафар Россия фуқаросидан иборат 7 кишилик экипажи толиблар қўлига тушганини “Ҳаракат” ҳам хабар қилган эди.

Бугун Покистон ТИВининг расмий вакили Муҳаммад Нафис Закария вертолет экипажи озод қилингани ва 6 кишилик экипаж Исломободга олиб келинганини билдирди. Демак, экипаж 7 эмас, 6 кишидан иборат экан. Уларнинг ичида россиялик штурман Сергей Севастьянов борлигини ҳам Муҳаммад Нафис Закария айтган, дейилади ўрисларнинг “Новости” Агентлиги тарқатган хабарда.

Бу 6 киши “Толибон” қўлидан қандай қилиб озод қилингани хабарларда мутлақо тилга олинмайди. Шундан тахмин қилиш мумкинки, уларни тўғридан-тўғри сотиб олишган, вертолёт ҳам толиблар қўлида қолган.
« Олдинги хабар Хабарлар рўйхати Кейинги хабар »