Туркиядаги энг катта газеталардан бири “Ҳурриёт” хабар қилишича, бошқа бир газетада котиблик қиладиган олти ойлик иккиқат аёлни Истанбулнинг Хўжамустафопошша маҳалласида очиқча кийинишда айблаб, келтаклашибди.

Ҳазал Ўлмас исмли аёл ўзи ҳар доим юрадиган кўчада кетар экан, кимдир орқасидан тортган, у ўгирилиб қараса, ўзи танимайдиган ҳижобли аёл бақиришга бошлабди: “Нега бундай очиқча кийиниб юрибсан? Давлат тўнтариши тарафдоримисан, Гуленчимисан?” Кейин у аёл атрофдигаларни чақирибди, яна 2-3 аёл ва бир соқолли эркак киши яқинлашиб, Ҳазал Ўлмасни уришга бошлашибди, эркак унинг оёғига тепибди.

Калатаклаётганлар ўз талабларини ҳам айтишган: “Бундан буён бунақа кийинмайсан. Биз истаганча кийинасан, бизнинг талабларимизни бажаришинг шарт. Бу атрофда сен каби кийиндиган яна бир неча аёл борлигини биламиз, уларнинг ҳам навбати келади”. Эркак атрофдагиларга бақириб, бу аёлни ўлдириш кераклигини ҳам айтибди. Аёл ерга йиқилиб тушгандан кейин ҳам уни ураверишибди. Аммо, шу ердан ўтиб кетаётган бир кампир орага кириб, ҳаммани ёлвариб тўхтатибди.

Ҳазал Ўлмас докторга борган экан, уни оёғини боғлашибди, бошқа керакли нарсаларни қилишибди. Доктор калтаклашлар қорнидаги болага ҳам таъсир қилган бўлиши мумкинлигини айтса ҳам, аёлнинг жароҳатлангани ҳақида ҳужжат беришни истамабди.

Ҳамма, жумладан, Ҳазал Ўлмасни калтаклаганлар ҳам биладики, дейди мухбиримиз, Фатхулла Гулен Ражаб Эрдўғондан ҳам реакцион исломчи, бундай замонавий кийинган аёл унинг тарафдори бўлиши мумкин эмас. Бу воқеа, Туркия исломлашаётганининг кўрсатгичидир. Исломлаштириш жараёни давом этаверса, яқин орада ҳамма қиз-аёллар ўрта асрларадидек кийиншга мажбур бўладилар, эркакларнинг ҳаммаси соқол қўяди. Вақти келиб, Туркия исломий давлат деб эълон қилинади, шариат кучга киради.

Энг қизиғи, Туркия айнан шу йўлдан кетаётганини биз йиллардан бери башорат қилиб келаётган эдик.