04 August 2016
05:27 - Вашингтонда Марказий Осиё ва АҚШ ташқи ишлар вазирлари учрашдилар, Абдураҳим Пўлатнинг таклифи қабул қилиндими?
Кеча Вашингтонда Марказий Осиё давлатларининг ташқи ишлар вазирлари ва АҚШ Давлат Котибининг “С5+1” форматидаги учрашуви бўлди. Ўзбекистон ташқи ишлар вазирлигининг сайтида бу ҳақда бир неча қаторлик хабар берилган. Хабарда учрашувнинг ҳеч қандай тафсилоти ёритилмаган.

Давлат Департаментининг сайтида Давлат Котиби Жон Керрининг учрашув очилишидаги нутқи тўла келтирилган. Бу форматдаги биринчи учрашув ўтган йили Самарқандда бўлганини эслатган Жон Керри, умумий гаплардан ташқари, бу минтақа мамлакатларининг терроризмга қарши курашда ҳамкорлигини мустаҳкамалаш учун ёрдам берилиши, экологик нуқтаи назардан тоза энергетик лойиҳалар учун 15 млн доллар ажратилишини ҳам тилга олган.

Мен, дейди бу хусусда “Бирлик” Партияси раиси Абдураҳим Пўлат, 2 август куни Давлат Департаментига қисқа электрон хат юбориб, Жон Керрига бу йиғилишда Туркиядаги аҳволни ҳам муҳокама қилиш ва Туркия Президентига қаратилган баёнот қабул қилиб, Туркияни исломлаштириш йўлига туширилаётгани ҳаммани хавотирга солаётганини нозик дипломатик шаклда эслатиб ўтиш мақсадга мувоиқ бўлиши ҳақидаги таклифимни билдирдим. Тажрибамдан биламанки, бу таклифим қанчалик эътиборга олингани эртами-кеч албатта ўртага чиқади.

Менинг фикримча, Жон Керри терроризм масаласини тилга олдими, демак бу мавзу учрашувда муҳокама қилинади. Мен “Яқин келажакда ислом терроризмининг маркази Туркия ва Марказий Осиё бўлади” деган сўзлари ҳам бор бўлган ва Барак Обамага 2015 йилнинг бошида жўнатилган хатимнинг нусхасини Давлат Департаментига ҳам ўз вақтида юборган эдим. Мана энди Марказий Осиё вазирлари йиғилар экан, менинг башортим бўйича терроризмга ботиб бўлган Туркия албатта тилга олинади.

Бу йиғилишда демократик жараёнлар ва инсон ҳуқуқлари каби масалалар жиддий шаклда тилга олинишига шубҳам бор.

Расм “Свобода” радиосидан олинган.
« Олдинги хабар Хабарлар рўйхати Кейинги хабар »